Misemo 15:10 - Digo Bible

¹⁰ Mutu aremaye njira ya sawa andatiywa adabu kali na mutu amenaye kukanywa andafwa.

Misemo 15:10 Referans Kwoze

Misemo 12:1

Akubaliye mafundzo anamendza marifwa, ela asiyelonda kuonywa ni mzuzu.

Johana 3:20

Chila mutu ahendaye mai nkuuzira hinyo mwanga. Na kaweza kuusengerera phephi kpwa kuogopha dambize zisedze zikamanywa.

Misemo 13:1

Mwana wa ikima nkugbwira mafundzo ga ise, ela mwana mwenye chibero kaphundza mashauri.

Misemo 10:17

Akubaliye kuhenda adabu anaelekeya njira ya uzima, ela iye aremaye kudemurirwa andaangamika.

Johana 7:7

Atu a dunia taana sababu ya kukureyerani mwimwi, ela mimi ananireyera kpwa vira naambira wazi kukala mahendo gao ni mai.

Misemo 5:12

Ndipho undaamba, “Baha kala siyazira kutiywa adabu na moyo wangu kubera kuonywa!

Misemo 1:30

Madamu mwarema mashauri gangu, na mchipuza maonyo gangu gosi,

1 Afalume 22:8

Naye mfalume wa Iziraeli achimjibu Jehoshafati achimuamba, “Phasere mutu mmwenga, Mikaya mwana wa Imula, ambaye hunaweza kumuuza Mwenyezi Mlungu, ela mino nammena, mana kanitabiriya manono ela mai.” Naye Jehoshafati achijibu achiamba, “Hata, mfalume na asiambe hivyo.”

1 Afalume 21:20

Phahi, Ahabu ariphomuona Elija, waamba, “Lo! Hata ukaniphaha uwe mviha wangu!” Elija wamjibu achiamba, “Ee nkakuphaha kpwa mana ukadzisalata mwenye kpwa kuhenda mai mbere za Mwenyezi Mlungu.

1 Afalume 18:17

Ahabu ariphomuona Elija, wauza, “Dze! Ni uwe ugayisaye Aiziraeli?”

Misemo 23:35

Nawe undaamba, “Akanipiga ela sikarumira, akanibumbunda, ela sisikirire tse! Nndalamuka rini mino nkanwe tsona?”

Misemo 1:25

mwamena mashauri gangu gosi, wala maonyo gangu tamgajali.

Misemo 15:9

Mwenyezi Mlungu nkutsukirirwa njira za atu ayi, ela nkuamendza atu adinisao kuhenda haki.

Misemo 15:11

Mwenyezi Mlungu anamanya garigo kuzimu na garigo ndani ya dibwa ra kubananga [Abadoni], phahi moyo wa mwanadamu anaumanya zaidi.

Ayubu 34:27

kpwa sababu aricha kumlunga, na taakubali kugbwira njiraye hata mwenga.

Zaburi 50:17

Mana mwimwi tammendza malagizo gangu na tamgbwira maneno gangu.

Jeremia 2:17

Dze, tamuyadzirehera enye mambo gano kpwa kumricha Mwenyezi Mlungu, Mlungu wenu ariphokulongozani njira?

Ezekieli 33:9

Ela uchikanya mutu mui ariche njiraze mbii na asiriche, andafwa kpwa makosage, ela undakala ukativya maishago.