Misemo 15:1 - Digo Bible

¹ Mutu uchimupha jibu ra upole rindausa hasira, ela jibu ra usiru nkutsangira hasira.

Misemo 15:1 Referans Kwoze

Misemo 25:15

Mtawala nkushawishiwa ni kuvumirira kunji, na lilimi laini nkuvundza mfupha.

Misemo 10:12

Kuzirana kuna sababisha kuheha, ela kumendzana kunasitiri makosa gosi.

Misemo 15:18

Mutu wa tsukizi za phephi kakaa kubwaga kondo, ela mutu mpole nkukanya kondo.

Misemo 29:22

Mutu wa tsukizi nkuchokoza kondo, na mutu asiyekaa kureya nkuhenda makosa manji.

Misemo 28:25

Mutu mchoyo nkusunganya atu ahehe, ela mutu akuluphiraye Mwenyezi Mlungu andaongokerwa.

2 Samueli 19:43

Hinyo atu a Iziraeli achiajibu atu a Juda achiamba, “Swino mfalume anauhusu kano kumi zaidi ya vira anavyokuhusuni mwimwi, tsona hunayo haki katika Daudi zaidi, mbona phahi mwino mkahubera hivi? Tambukirani swiswi hwakala a kpwandza kulavya azo ra kumuuyiza mfalume.” Ela atu a Juda ahujibu chisiru kushinda nyo atu a Iziraeli.

1 Afalume 12:7

Nao achimjibu achimuamba, “Rero uchikubali kukala mtumishi wa atu hinya na kuahumikira na ugombe nao maneno ga mtswano, andakala atumishio siku zosi.”

2 Nyakati 10:7

Nao achimjibu achimuamba, “Napho undakala mnono kpwa hinya atu na kuaonera mbazi na kugomba nao maneno ga mtswano, ndipho andakala atumishio siku zosi.”

Ayubu 41:3

Dze, rindaenderera kukuvoya urionere mbazi? Au rindagomba nawe na maneno ga upore?

Misemo 29:8

Atu a chibero nkusunganya fujo mudzi mzima, ela atu a achili nkuhuriza chisirani.

Mahendo 19:41

Ariphomala kugomba hivyo, wafunga mkpwutano.