Misemo 14:31 - Digo Bible

³¹ Atu aonerao achiya anamlaphiza Muumba wao, ela atu aoteryao achiya anamuishimu Mlungu.

Misemo 14:31 Referans Kwoze

Misemo 22:2

Matajiri na achiya ana hali mwenga hino, osi muumba wao ni Mwenyezi Mlungu.

Misemo 22:16

Mutu aoneraye mchiya ili aenjereze utajiri na mutu aphaye matajiri zawadi osi andafilisika.

Misemo 17:5

Mutu anyeteraye mchiya analaphiza Muumba wa hiye mchiya na ahererwaye napho myawe akafikpwa ni mashaka andatiywa adabu.

Misemo 19:17

Mutu amteryaye mchiya anamuaphasa Mwenyezi Mlungu, naye Mwenyezi Mlungu andamripha kpwa achirorihenda.

1 Johana 4:21

Mlungu wahupha lagizo ambaro rinaamba, “Yeyesi amendzaye Mlungu ni lazima ammendze myawe piya.”

Muhubiri 5:8

Usiangalale uchiona achiya anaonerwa na kulafiwa haki yao kpwenye tsi, mana chila ariye na cheo anatetewa ni mkpwulu wanjina ariye dzuluye, na dzulu ya aho osi kuna mkpwulu zaidi anayeahehera.

Zaburi 12:5

Ela Mwenyezi Mlungu anaamba, “Kpwa sababu achiya anaonerwa, na agayi anasononeka, ndaunuka, niaphahe usalama anaougodzera kpwa hamu.”

Johana 12:8

Siku zosi, agayi mundakala nao, ela mino sindakala namwi siku zosi.”

Misemo 14:21

Mutu aberaye jiraniwe anakosera, ela baha atu aonerao mbazi achiya.

Alawi 25:17

Msionerane, ela muogopheni Mlungu wenu. Mimi, ndimi Mwenyezi Mlungu, Mlungu wenu.

Kumbukumbu 24:14

“Usimuonere muhendadzi-kazio ambaye ni mchiya na mgbwayi, akale ni Muiziraeli au mmwenga wa ajeni asagalao kpwenye midzi yenu.

Ayubu 24:4

Nkusukuma anachiya ili aatuluze mo njirani nao nkulazimisha achiya a yo tsi, adzifwitse.

Misemo 28:8

Mutu aenjerezaye utajiriwe kpwa kuhala riba kulu na fwaida kulu anamkusanyira mutu ndiyeonera mbazi achiya.

Alawi 25:35

“Napho Muiziraeli myao akakala mchiya hata kaweza kudziendzera mwenye na asagala phamwenga nawe, ni umrorome dza unavyororoma mjeni au mutu asagalaye kpwako kpwa muda, ili aweze kpwenderera kusagala kahi yenu.