Misemo 14:29 - Digo Bible

²⁹ Mutu asiyereya upesi ana ufahamu mkpwulu, ela wa kureya upesi anaonyesa uzuzuwe.

Misemo 14:29 Referans Kwoze

Jakobo 1:19

Asena angu, ni lazima mmanye kukala, chila mmwenga ni akale na upesi wa kusikira, ela asikale na upesi wa kugomba, tsona naasitsukirwe upesi.

Muhubiri 7:9

Usitsukirwe upesi, mana tsukizi zikala moyoni mwa azuzu.

Misemo 14:17

Mutu wa tsukizi za phephi nkuhenda mambo ga chizuzu, na atu a kuhega ayawao achili nkuzirwa.

Misemo 15:18

Mutu wa tsukizi za phephi kakaa kubwaga kondo, ela mutu mpole nkukanya kondo.

Misemo 19:11

Mutu wa achili kareya upesi, kuswameekpwe makosa kunamrehera ishima.

Misemo 16:32

Baha mutu mvumirizi kuriko mwenye nguvu, na mutu awezaye kudzizuwiya kuriko mutu atekaye mudzi.

Misemo 25:28

Mutu asiyeweza kutawala moyowe ni dza mudzi ambao ukutawe wabomoka.

Isabu 12:3

Phahi Musa wakala ni mutu mpore sana kuriko mutu wanjina yeyesi duniani.

Mathayo 11:29

Gbwirani mzigo wangu na mdzifundze kula kpwangu; mana mimi ni mpole na wa mbazi, namwi roho zenu zindaoya.

Muhubiri 10:6

anaphoapha azuzu vyeo vya dzulu na kupuza matajiri.

Misemo 25:8

usikale mwepesi kpwendashitaki, usedze ukakosa kumanya ra kuhenda, myao wanjina achikutiya waibu kpwa kushinda yo kesi.

Misemo 4:8

Siamini sana ikima, naye andakuika dzulu na andakuhenda uishimiwe.

Mathayo 2:16

Phahi Herode ariphoona akachengbwa ni hara ajuzi a nyenyezi, watsukirwa sana. Achihuma asikarie hiko Bethilehemu na vidzidzi vya phephi, ili akaolage ana osi a chilume kula mtsanga hadi wa miaka miiri. Mana hangu aambirwe ni hara ajuzi a nyenyezi kala ikatsupa kama miaka miiri kula iriphoonewa.

Misemo 14:28

Mfalume nkukala mkpwulu napho anatawala atu anji, ela mfalume asiyekala na atu si chitu.

Misemo 17:27

Mutu mwenye marifwa nkutsambula maneno, mutu mpore ana ufahamu.

Muhubiri 7:8

Baha mwisho wa utu kuriko mwandzowe, na baha moyo wa kuvumirira kuriko wa kudzikarya.