Misemo 14:21 - Digo Bible

²¹ Mutu aberaye jiraniwe anakosera, ela baha atu aonerao mbazi achiya.

Misemo 14:21 Referans Kwoze

Misemo 28:27

Mutu alavyaye kpwa achiya kandaphungukirwa, ela mutu aremaye kulavya andalaniwa vyenye.

Misemo 19:17

Mutu amteryaye mchiya anamuaphasa Mwenyezi Mlungu, naye Mwenyezi Mlungu andamripha kpwa achirorihenda.

Misemo 11:12

Mutu aberaye jiraniwe ni mzuzu, ela mwenye ufahamu nkunyamala.

Misemo 17:5

Mutu anyeteraye mchiya analaphiza Muumba wa hiye mchiya na ahererwaye napho myawe akafikpwa ni mashaka andatiywa adabu.

Misemo 14:31

Atu aonerao achiya anamlaphiza Muumba wao, ela atu aoteryao achiya anamuishimu Mlungu.

Aeburania 6:12

Msikale avivu, ela igizani hara ambao kpwa kukuluphira na kuvumirira nkuphokera gara ambago gaahidiwa ni Mlungu.

Mahendo 20:35

Chila nrirohenda, nákuonyesani mfwano kala, ni lazima huterye agayi kpwa kuhenda kazi kpwa chadi. Na ni hutambukire maneno ga Bwana Jesu phoamba, ‘Alavyaye nkujaliwa zaidi kuriko aphokeraye.’ ”

Danieli 4:27

Kpwa hivyo uwe mfalume, phundza ushauri wangu. Richa kuhenda dambi na uhende haki. Richa makosago kpwa kuonera mbazi aonerwao, mendzerepho siku za kuongokerwako, nkuenjerezwa.”

Misemo 18:3

Mutu mui achedza nkureha chibero, na lawama nkpwedza bada ya waibu.

Zaburi 112:9

Anaganya vituvye moyo kutsuka kuganyira achiya, hakiye inadumu hata kare na kare, andakala na nguvu nyinji na ishima.

Zaburi 112:5

Manono gandamwedzera iye ariye na mbazi na aaphasaye atu, ahendaye mamboge kpwa njira ya haki.

Zaburi 22:24

Iye kayakpwinya agayi, wala kayabera kugaya kpwao; kayaaricha, ela ariphovoywa msada wasikira.

Luka 18:9

Jesu waatsuphira ndarira hara atu adzionao a mana na kubera ayawao, waamba:

Misemo 21:10

Atu ayi angʼakira kuhenda mai, taana mbazi na majirani gao.

Misemo 28:8

Mutu aenjerezaye utajiriwe kpwa kuhala riba kulu na fwaida kulu anamkusanyira mutu ndiyeonera mbazi achiya.

Kumbukumbu 15:9

Dzimanyirireni sedze mkaaza mambo mai mwenu mioyoni, mukaamba, ‘Mwaka wa sabaa, mwaka wa kuswamehe adeni u phephi,’ na mkakosa kumlolato ndugu yenu mchiya na mkarema kumkopesha. Muchihenda hivyo, iye anaweza kumririra Mwenyezi Mlungu kpwa sababu yenu na iyo indakala dambi kpwenu.

Misemo 22:9

Mutu wa mbazi andabarikiwa, mana anaganyira achiya chakuryache.