Misemo 14:16 - Digo Bible

¹⁶ Mutu wa achili nkumuogopha Mlungu na kuricha mai, ela azuzu taana makini na taajali.

Misemo 14:16 Referans Kwoze

Misemo 22:3

Mutu wa achili nkuona hatari mbereze akadzifwitsa, ela mzuzu nkudziphirika bila ya kuogopha achaphaha tabu.

Misemo 3:7

Usidzione kukala u mwerevu, Muogophe Mwenyezi Mlungu na uriche kuhenda mai.

1 Athesalonike 5:22

chisha mdzitenge na chila aina ya uyi.

Misemo 29:9

Mutu wa ikima achilumbana na mzuzu kotini, yuya mzuzu andakala wa kureya au kutseka wala taphandakala na amani.

Misemo 28:14

Baha mutu amuogophaye Mlungu siku zosi, ela mutu wa likakado andapata tabu.

Misemo 16:17

Njira ya mwenye haki nikudzitenga na mai, arindaye njiraye anarinda maishage.

Misemo 16:6

Kpwa mbazi na uaminifu dambi nkuuswa. Mutu anayemuogopha Mwenyezi Mlungu nkuricha kuhenda mai.

Mwandzo 42:18

Siku ya hahu, Yusufu waambira, “Mimi namuogopha Mlungu, na ichikala mundahenda dzambo ndirokuambirani sindakuolagani.

Mwandzo 33:9

Ela Esau achiamba, “Nina mali ya kutosha mwenehu, maliyo naikale yako.”

Misemo 7:22

Mara mwenga yuya mvulana wamlunga-lunga ye mchetu, dza ngʼombe aphirikpwaye chitsindzironi, dza kulungu agbwirwavyo ni muhego.

Zaburi 119:120

Nakakama kpwa kukuogopha uwe, naogopha uamulio.

1 Afalume 20:18

Beni-Hadadi waambira, “Napho aredza kpwa amani, agbwireni ela msiaolage. Na hata ichikala aredza kpwa viha, agbwireni ela msiaolage vivyo.”

1 Afalume 19:2

Phahi Jezebeli wahuma mjumbe kpwa Elija kumuambira, “Milungu iniolage napho muhondo wakati dza huno ndakala sidzangbwetuluza rohoyo ukakala sawa na mmwenga wao.”

Johana 9:40

Mafarisayo anjina ariokala phephi na Jesu amsikira anagomba hivyo, achimuuza, “Yani hata swiswi naswi hu vipofu?”

Muhubiri 10:13

Mazungumuzoge nkuandza na uzuzu, na mwishirowe kukala uyi na koma zenye,

Ayubu 28:28

Naye achigomba na mwanadamu achimuamba, ‘Kumuogopha Mwenyezi Mlungu, ndicho chandzo cha ikima, na kudzitenga na uyi ndiko kuelewa.’ ”

Zaburi 34:14

Richa mai, uhende manono, endza amani na usiiriche.

Nehemia 5:15

Ela nyo maliwali arionitanguliya ahika atu mizigo miziho, achihala vipande mirongo mine vya feza kanda na chakurya na uchi. Hata atumishi aho aonera atu. Ela mimi sihendere hivyo kpwa kumuogopha Mlungu.

Misemo 14:15

Atu azuzu nkuamini chila anachoambirwa, ela mutu wa achili nkulola mwendowe.

Misemo 14:17

Mutu wa tsukizi za phephi nkuhenda mambo ga chizuzu, na atu a kuhega ayawao achili nkuzirwa.

Isabu 22:27

Ye punda ariphomuona ye malaika wa Mwenyezi Mlungu, achisagala photsi kuno Balaamu achere dzuluye. Balaamu achitsukirwa sana na achimpiga ye punda na ndataye.

Ayubu 1:1

Kpwakala na mutu mmwenga ko tsi ya Usi, yeihwa Ayubu. Mutu iye kala kana lawama, kala ni mutu wa haki, yemuogopha Mlungu na kudzitenga na uyi.

Misemo 1:32

Kpwa kukala atu asiomanya nkudziolaga kpwa likani rao, azuzu nkudziangamiza kpwa kura kudziamini kpwao.