Misemo 14:13 - Digo Bible

¹³ Chitseko chinaweza kufwitsa sonono, ela chitseko chinaphosira, sonono inauya.

Misemo 14:13 Referans Kwoze

Muhubiri 2:2

Nchimanya kukala chitseko na kudziburudisha tavifwaha chitu.

Jakobo 4:9

Sononekani, mjute na mrire. Galuzani chitseko chenu chikale chiriro na raha yenu ikale majuto.

Luka 16:25

Ela Burahimu achimuamba, ‘Mwanangu, umanye wakati kala unasagala ko duniani waphaha mambogo manono manono, kuno Lazaro anagaya. Ela sambi iye anafurahishwa hipha, na uwe unagaya.

Muhubiri 11:9

We barobaro hamirwa ni ubarobaroo na moyoo ukuphe raha siku za ubarobaroo. Lunga moyoo umendzavyo na chinacholondwa ni matsogo. Ela umanye kukala Mlungu andakuamula kulengana na vira urivyoishi.

Misemo 5:4

Ela mwisho wa higo gosi wu utsungu kuriko chihumbo utsungu, unakata kuriko mufyu urio na maso kosi-kosi.

Muhubiri 2:1

Phahi náaza nchiamba, “Godzera nidziinjize kpwenye raha, nidzifurahishe.” Ela hata vivyo gaga piya tagana fwaida.