Misemo 13:4 - Digo Bible

⁴ Atu avivu nkutamani na kaphaha chitu, ela gaazwago ni atu a chadi nkutimizwa.

Misemo 13:4 Referans Kwoze

Misemo 12:24

Mutu wa chadi andakpwezwa cheo, ela mutu mvivu andahenda kazi za mtumwa.

Misemo 12:11

Mutu arimaye mundawe andakala na chakurya chinji, ela alungaye mambo ga upuzi kana achili.

Misemo 10:4

Uvivu unareha uchiya, mkpwono wa mutu mwenye chadi unatajirisha.

Misemo 11:25

Mutu alavyaye na moyo mmwenga andaongokerwa, na amnwesaye myawe madzi naye andanweswa.

Misemo 28:25

Mutu mchoyo nkusunganya atu ahehe, ela mutu akuluphiraye Mwenyezi Mlungu andaongokerwa.

Aeburania 6:11

Nina hamu kulu sana ya kpwamba chila mmwenga wenu aenderere kuhenda chadi hadi mwisho, ili higo mrigo na tumaini nago mgaphokere chikamilifu.

Johana 6:27

Msidziyuge kuendza chakurya chibanangikacho. Ela endzani chakurya chirehacho uzima ambacho mimi, Mutu Yela Mlunguni, nindakuphani. Mana Baba Mlungu wanipha uwezo wa kulavya chakurya sichobanangika.”

Misemo 8:34

Mutu aniphundzaye ana baraka, napho andakala phangu mryangoni, achichesa kugodza phangu chizingitini chila mara.

Isaya 58:11

Naye Mwenyezi Mlungu andakulongoza siku zosi, na kutosheleza mahitaji kahi ya tsi kavu, na kuitiya nguvu mifuphayo, nawe undakala dza munda wenye madzi, na dza chisima sichouma madzi.

Misemo 26:13

Mutu mvivu nkuamba: “Ko kondze kuna simba, anaweha mo njirani!”

Zaburi 92:14

Andaenderera kuvyala matunda hata ukareni chila wakati indakala mitsanga-mitsanga na yenye nguvu.

Isabu 23:10

Atu a chivyazi cha Jakobo ni anji dza vumbi, ni anji ta taphana awezaye kumanya isabu ya robo yao. Richa nifwe chifo dza cha atu ahendao haki, na maisha gangu gafike mwisho dza go gao.”

Misemo 6:6

We mvivu! Phiya ukalole tsungutsungu, karirikane njiraze ili uphahe ikima.

Misemo 12:27

Muindza mvivu nkushindwa hata kuwada nyamawe achiyemphaha, ela mutu wa chadi nkuhumira vinono chila aphahacho.

Misemo 13:3

Mutu wa maneno ga chiasi andakala na maisha mare, ela mutu wa maneno ga bovobovo andabanangbwa.

Misemo 13:5

Enye haki nkuzira handzo, ela atu ayi nkugbwirwa ni haya na waibu.

Misemo 20:4

Mvivu karima minga ya kurima naye minga ya kuvuna andaaza aphahe mavuno ela kandaphaha chitu.

Misemo 21:5

Mipango ya mutu wa chadi indamtajirisha ela mutu wa more kafwaidi.

Misemo 21:25

Tamaa ya mutu mvivu ndiyo ndiyomuolaga, mana mikonoye tailonda kuhenda kazi.

Mwandzo 26:32

Siku iyo-iyo atumishi a Isaka akpwedzamuambira kuhusu chisima chokala akachitsimba. Achiamba, “Hukaphaha madzi!”

Joshuwa 7:3

Phahi auya kpwa Joshuwa achendamuamba, “Taina haja ya atu osi aphiye kpwendapigana na atu a Ai, atu elufu mbiri au tahu hivi anatosha. Usihende atu acharemwa bure mana atu a Ai ni achache.”

Misemo 24:30

Nátsupa phephi na munda wa mutu mvivu, phephi na munda wa mizabibu wa mutu asiye achili.

Misemo 24:31

Ke! Wosi kala ukamera miya na kpwekpwe zagota kosi. Hata ukutawe wa mawe piya wavoromoka.

Wira wa Selemani 5:3

“Nkavula kare vwazi rangu, kpwa nini nrivwale tsona? Nkasinga magulu, dze, niuye kugatiya mtsanga?”