Misemo 13:3 - Digo Bible

³ Mutu wa maneno ga chiasi andakala na maisha mare, ela mutu wa maneno ga bovobovo andabanangbwa.

Misemo 13:3 Referans Kwoze

Misemo 21:23

Mutu anayezuwiya mromowe na lilimire anadzitenga nafusiye na tabu.

Misemo 18:21

Lilimi rina nguvu za kuhenda mutu atiye au aolagbwe, na atu amendzao kurihumira andarya matundage.

Misemo 18:7

Mutu mzuzu ariwa ni mromowe, nkutongewa ni manenoge mwenye.

Zaburi 39:1

Mimi náamba: “Nindamanyirira njira zangu, sedze nikahenda dambi kpwa maneno nigombago. Sindagomba chitu napho atu ayi a phephi nami.”

Misemo 10:19

Phenye maneno manji taphakosekana dambi, ela anayezuwiya mromowe ana achili.

Misemo 20:19

Mutu wa lisengenyo kaika siri, phahi dzitenge na mutu wa maneno ga chizuzu.

Jakobo 1:26

Mutu adzihendaye ana dini na kadinisa lilimire kugomba mai, naamanye anadzichenga, na yo dini ya kpwakpwe taina mana tsetsetse.

Misemo 12:13

Atu ayi agbwirwa ni maneno gao mai, ela enye haki nkuepuka tabu.

Zaburi 34:13

Phahi richa kugomba mai na usikale mutu wa handzo.

Zaburi 141:3

Rinda kanwa yangu, ee Mwenyezi Mlungu, rinda madomo gangu.

Misemo 10:14

Atu enye ikima nkuika akiba ya marifwa, ela azuzu nkudzigombera na kudzirehera tabu.

Misemo 13:4

Atu avivu nkutamani na kaphaha chitu, ela gaazwago ni atu a chadi nkutimizwa.

Aamuli 16:11

Achimuamba, “Nchifungbwa na mikowa miphya ambayo taidzangbwehumika, ndakala mnyonje na kukala dza mutu yeyesi.”

Aamuli 16:17

Mwishirowe Samsoni wamuambira Delila siriye achimuamba, “Sidzangbwenyolwa hangu nivyalwe. Natengbwa kpwa ajili ya Mlungu hangu ndanini mwa mayo. Nyere zangu zichinyolwa, nguvu zangu zindaniukira na ndakala mnyonje na kukala dza mutu yeyesi.”

Misemo 10:8

Mwenye moyo wa achili andatii shariya, ela azuzu adererekao maneno manji andaangamika.

Misemo 14:3

Maneno ga mutu mzuzu nkumtongea achapwe milawa mongoni, ela maneno ga mutu wa achili nkumrinda na tabu.