Misemo 13:16 - Digo Bible

¹⁶ Atu a achili nkuhenda mambo na marifwa, ela azuzu taafikiri, anaonyesa uzuzu wao tu!

Misemo 13:16 Referans Kwoze

Misemo 15:2

Mromo wa mutu wa achili nkugoteza marifwa, ela miromo ya azuzu nkueneza ujinga.

Aefeso 5:17

Kpwa hivyo msikale azuzu, ela ni lazima muelewe gara Mlungu alondago muhende.

Isaya 52:13

Lola, mtumishi wangu andahenda mambo kpwa ikima, andatogolwa na kuunulwa dzulu, naye andakala dzulu sana.

Muhubiri 10:3

Mzuzu nkukosa achili hata napho a njirani, na kuonyesa chila mmwenga kukala iye ni mzuzu.

Arumi 16:19

Nina raha sana mana chila mutu anamanya kala mu afuasi a Jesu a kpweli. Ela nalonda mkale na achili ya kumanya manono, na msigatsanganye na mai.

1 Akorintho 14:20

Enehu, msiririkane mambo chanache. Maazo genu nagakale dza ga atu azima, ela kuhusu kuhenda mai, kalani dza ana atsanga.

Mathayo 10:16

“Phundzani! Nakuhumani mphiye, namwi mundakala dza mangʼondzi gaphiyago kahi ya mabawa. Kpwa hivyo kalani erevu dza nyoka na a pole dza njiya.

Misemo 21:24

Mutu wa shobo na ngulu dzinare aihwa “Chibero,” mamboge gosi agahenda na chibero.

Zaburi 112:5

Manono gandamwedzera iye ariye na mbazi na aaphasaye atu, ahendaye mamboge kpwa njira ya haki.

1 Samueli 25:25

Bwana wangu nakuvoya usimlunge gakpwe ye Nabali, yuya mutu asiyefwaha. Mana ya dzinare ni ujinga naye kpwa kpweli kana achili sawa na ro dzinare. Ela mino, mtumwao sikaaona hinyo barobaro a bwana wangu uchioahuma.

1 Samueli 25:17

Phahi aza, umanye ra kuhenda, kpwa mana akapangirwa mai dzulu ya bwana wehu na nyumbaye yosi. Kpwa kukala iye ni mutu mui tsetsetse hata takuna awezaye kumuambira.”

Misemo 18:2

Mutu mpumbavu kataki kumanya, chitu muhimu kpwakpwe nkulavya maonige.

Misemo 14:33

Ikima ikala achilini mwa mutu wa marifwa, ela ikima taiphahikana mioyoni mwa azuzu.

Muhubiri 10:13

Mazungumuzoge nkuandza na uzuzu, na mwishirowe kukala uyi na koma zenye,