Misemo 13:12 - Digo Bible

¹² Hamu ya mutu ichikaizwa kuuswa moyo nkuluma, ela ndoso ya mutu itimizwapho, nkureha uzima.

Misemo 13:12 Referans Kwoze

Johana 16:22

Phahi hata mwimwi hivi sambi munasononeka. Ela nindakuonani tsona na mundakala na raha, wala takuna mutu ndiyekuusirani iyo raha.

Misemo 13:19

Tunu ya moyo inaphotimizwa, inareha raha, ela kuricha mai, ni tsukizo kpwa azuzu.

Misemo 3:18

Ikima ni muhi wa uzima kpwa osi anaoiphaha, ana baha osi anaogbwirana nayo.

Zaburi 17:15

Ela kpwa vira ni mwenye haki, nindaona usoo. Ndipholamuka ndahererwa kukuona.

Misemo 11:30

Mwenye haki ni dza muhi uvyalao matunda ga uzima, na mutu ariye na ikima nkuvutia atu.

Zaburi 69:3

Kurira kpwangu kukaniremweza, umiro wangu ukafuwa. Nikamgodza Mlungu wangu hata ndipho matso gangu gaona wiziwizi.

Zaburi 143:7

Henda wangbwi unijibu ee Mwenyezi Mlungu, mana nkavundzika moyo! Usinilozere kogo, sedze nikakala dza atsererao kuzimu.

Mwandzo 46:30

Iziraeli achimuambira Yusufu, “Hata nkafwa dza sambi, ni razi, mana nkakuona na nkamanya kukala uchere moyo.”

Wira wa Selemani 5:8

Niapirani mwimwi achetu a Jerusalemu, kukala muchimuona wende wangu, mundamuambira kukala ni mnyonje kpwa mendzwa.

Maono 22:2

Muho wenye kala unajera kahi-kahi ya yo barabara kulu ya nyo mudzi. Chila uphande wa muho kala phana muhi urehao uzima ambao kala unavyala mara mwenga kpwa mwezi, kpwa hivyo kpwa mwaka kala unavyala kano kumi na mbiri. Makodza ga muhi hinyo ganahumirwa kama dawa ya kuphoza atu a makabila gosi.

Maono 2:7

Mwenye masikiro naasikire higa muambirwago ni Roho Mtakatifu. Mutu ndiyeshinda, nindamruhusu kurya matunda ga muhi wa uzima, urio munda wa Mlungu kuko Peponi.’ ”

Misemo 13:11

Mali ya kuphahikana upesi-upesi kpwa njira zisizo za sawa taikala, ela ahendaye chadi kurundikiza maliye chidide-chidide indaenjerezeka.

Misemo 13:13

Atu anaobera mafundzo nkumenya matatani, ela anaoishimu shariya andatuzwa.

Nehemia 2:2

Ndipho mfalume achiniuza, “Mbona una sonono na kuonyesa kukala unalumwa? Ni lazima una utu ambao unakusononesa mwako moyoni.” Nchikala muoga sana,