Misemo 12:2 - Digo Bible

² Mutu mnono nkupendeleywa ni Mwenyezi Mlungu, ela mutu wa nia mbii nkuhukumiwa ni Mwenyezi Mlungu.

Misemo 12:2 Referans Kwoze

Misemo 8:35

Mana aniphahaye mimi ana uzima, naye akakubaliwa ni Mwenyezi Mlungu.

Mahendo 11:24

Mana kala ni mutu mnono, ambaye kala anatawalwa ni Roho Mtakatifu na ariyekala na kuluphiro ra kudina. Phahi kundi kulu ra atu richimkubali Bwana Jesu.

Zaburi 112:5

Manono gandamwedzera iye ariye na mbazi na aaphasaye atu, ahendaye mamboge kpwa njira ya haki.

Arumi 5:7

Ni vigumu mutu kukubali kuolagbwa kpwa sababu ya mutu wanjina, hangbwe kpwa mana ana haki. Chahi inawezekana mutu kuolagbwa kpwa sababu ya mutu mnono sana.

Misemo 1:31

phahi, mundarya matunda ga mahendo genu, mundayugbwa ni werevu wenu enye.

Muhubiri 8:8

Takuna mutu ariye na uwezo wa kuzuwiya roho isituluke; takuna mutu ariye na uwezo kuhusu siku ya kufwa. Wakati wa viha vivyo, takuna kuchimbira, wala uyi tauweza kutivya mutu auhendaye.

Misemo 6:18

Moyo utungao mipango mii, magulu gazorerago kuhenda mai,

Zaburi 9:15

Mataifa ganjina gasigommanya Mlungu gakagbwa kpwenye dibwa chiroritsimba enye, mihego yao ikaagbwira enye.

2 Samueli 15:3

Hiye Abusalomu nkumuamba, “Lola, manenogo ni maneno ga haki na ga sawa, ela taphana mutu achiyelagizwa ni mfalume kukuphundza.”

Misemo 3:4

Ndipho undakubalika na kutogolwa mbere za Mwenyezi Mlungu na mbere za mwanadamu.

Misemo 12:1

Akubaliye mafundzo anamendza marifwa, ela asiyelonda kuonywa ni mzuzu.

Misemo 14:22

Mutu apangaye mai nkuangamika, ela mutu apangaye manono nkumendzwa na kuaminiwa.

Misemo 14:17

Mutu wa tsukizi za phephi nkuhenda mambo ga chizuzu, na atu a kuhega ayawao achili nkuzirwa.