Misemo 12:13 - Digo Bible

¹³ Atu ayi agbwirwa ni maneno gao mai, ela enye haki nkuepuka tabu.

Misemo 12:13 Referans Kwoze

Misemo 21:23

Mutu anayezuwiya mromowe na lilimire anadzitenga nafusiye na tabu.

Misemo 11:8

Mwenye haki nkuuswa shidani, na badalaye mutu mui akainjizwa shidani.

Zaburi 64:8

Mlungu andaangamiza kpwa sababu ya maneno gao enye, osi ndioaona andasuka-suka vitswa vyao.

Danieli 6:24

Chisha mfalume achilagiza nyo ariokala akamshitaki Danieli akarehwe. Arehwa phamwenga na ana aho na achetu ao, osi achitsuphiwa ndani ya dibwa ra simba. Nyo simba achiaurukira, achiamwamula-mwamula kabila taadzangbweguta photsi.

Misemo 6:2

phahi ukadzihega na manenogo mwenye, na ukadzifunga na kauliyo mwenye.

2 Petero 2:9

Dze, mambo gano ganahuonyesani? Ganaonyesa kukala Mlungu anamanya njira ambazo andativya atue anono agayao. Ela andaatiya adabu atu ayi kpwenderera hadi siku ya uamuli,

Muhubiri 7:18

Phahi gbwira ro lagizo ra kpwandza na ro ra phiri piya. Mana amuogophaye Mlungu andakala na chiasi.

Mathayo 27:25

Atu osi achiamba, “Mlatsowe nauwiswe swiswi na ana ehu!”

Misemo 15:2

Mromo wa mutu wa achili nkugoteza marifwa, ela miromo ya azuzu nkueneza ujinga.

Zaburi 34:19

Dzagbwe mutu ariye na haki nkuphaha mateso manji, ela Mwenyezi Mlungu nkumtivya nago gosi.

Zaburi 5:6

Uwe, ukuangamiza agombao handzo; Mwenyezi Mlungu nkuzira aolagadzi na atu a handzo.

1 Afalume 2:23

Hipho mfalume Selemani waapa kpwa dzina ra Mwenyezi Mlungu achiamba, “Mlungu naaniolage napho neno hiri richirogombwa ni Adonija tarindagarimu maishage!

2 Samueli 4:9

Ela Daudi wajibu Rekabu na mwanao Baana, ana a Beerothi achiaambira, “Naapa kpwa dzina ra Mwenyezi Mlungu ariye moyo, ariyenitivya kula kpwenye shida zosi,

Mwandzo 48:16

na ye Malaika yenitivya na mai gosi, naabariki ana hano. Maisha gao nagahende dzina rangu na madzina ga akare angu, Burahimu na Isaka gatambukirwe. Navoya aenjerezeke sana himu duniani.”

Zaburi 59:12

Hinyo nkuhenda dambi kutsupira maneno agombago kpwa hivyo naagbwirwe, kpwa gago agahenderago shobo kpwa sababu ya lana na handzo anarogomba.

Misemo 18:21

Lilimi rina nguvu za kuhenda mutu atiye au aolagbwe, na atu amendzao kurihumira andarya matundage.

Zaburi 34:20

Tsona nkutundzato vilungo vyosi vya mwiriwe, usivundzike hata mfupha mmwenga.

Zaburi 59:13

Aangamize katika tsukizizo, aangamize hadi asire tsetsetse ili atu amanye kukala Mlungu anatawala chivyazi cha Jakobo hadi pembe zosi za dunia.

Misemo 10:8

Mwenye moyo wa achili andatii shariya, ela azuzu adererekao maneno manji andaangamika.