Misemo 11:19 - Digo Bible

¹⁹ Mutu alungaye kuhenda haki andakala moyo, ela atsambulaye kuhenda mai andafwa.

Misemo 11:19 Referans Kwoze

Misemo 10:16

Mshahara wa atu a haki ni maisha manono, ela mapato ga atu ayi mwishowe ni kutiywa adabu kpwa sababu ya dambi.

Misemo 19:23

Kumuogopha Mwenyezi Mlungu kunareha uzima, amuogophaye Mlungu andakala salama wala mai tagandamphaha.

Misemo 12:28

Katika njira za haki muna uzima; himo mutsupirwamo tamuna chifo.

Misemo 8:36

Ela anikosao analumiza mioyo yao enye, na osi anizirao mimi anamendza chifo.”

1 Johana 3:10

Yeyesi asiyehenda mahendo ga haki au asiyemmendza mfuasi myawe, siye mwana wa Mlungu. Iyo ndiyo tafwauti ya ana a Mlungu na a Shetani.

1 Johana 3:7

Anangu, msichengbwe. Mutu ahendaye mahendo ga haki, ana haki dza viratu Jesu arivyo.

Arumi 6:23

Kpwa kukala mutu yeyesi ahendaye dambi, mariphoge ni chifo cha kare na kare. Ela Mlungu anahupha uzima wa kare na kare, na uzima hinyo si maripho, ela ni zawadi kpwa sababu ya Bwana wehu Masihi Jesu.

Mahendo 10:35

ela anamkubali mutu wa kabila rorosi amuogophaye na kuhenda haki.

Misemo 11:4

Mali taziokola siku ya uamuli, ela haki inaokola na chifo.

Jakobo 1:15

Alafu tamaa zehu mbii zichiphera, zinavyala dambi, nayo dambi ichiphera inavyala chifo.

Misemo 21:16

Mutu aikosaye njira ya busara andadziphaha kundi ra afwadzi.

Kumbukumbu 16:20

Lungani haki tu, kusudi mphahe kusagala na kurisi tsi munayohewa ni Mwenyezi Mlungu, Mlungu wenu.

2 Afalume 1:4

Muambireni mfalume kukala Mwenyezi Mlungu akagomba hivi, ‘Kundatiya pho chitandani uripho. Kpwa kpweli undafwa.’ ” Hipho, Elija achiuka.

2 Afalume 1:16

Achendamuamba mfalume; “Mwenyezi Mlungu anaamba hivi, ‘Kpwa kukala wahuma ahumwa akauze mashauri kpwa Baali-Zebubu mlungu wa Ekironi avi takuna Mlungu Iziraeli ambaye ungemuuza mashauri, phahi, kundatiya pho chitandani uripho. Kpwa kpweli undafwa.’ ”

Misemo 21:21

Mutu ahendaye mambo ga haki na kuonera ayae mbazi andaphaha uzima, haki na ishima.