Misemo 10:8 - Digo Bible

⁸ Mwenye moyo wa achili andatii shariya, ela azuzu adererekao maneno manji andaangamika.

Misemo 10:8 Referans Kwoze

Misemo 12:1

Akubaliye mafundzo anamendza marifwa, ela asiyelonda kuonywa ni mzuzu.

Jakobo 3:13

Dze, ni ani ariye na achili na marifwa? Ichikala a kuko naahende mahendo manono kuonyesa marifwage, ela naasihende ngulu kpwa sababu ya mahendoge.

Misemo 9:9

Mfundze mwenye ikima naye andazidi kukala na ikima, muelimishe mwenye haki naye andaenjereza ilimuye.

Misemo 1:5

Mwenye busara asikire na aenjereze ilimu, mwenye ikima aphahe mashauri ga kumlongoza.

Muhubiri 10:12

Maneno ga mutu mwenye ikima gana chibali; ela mzuzu nkubanangbwa ni manenoge.

Misemo 14:23

Kazi yoyosi ichihendwa na chadi ina fwaida, ela maneno mahuphu ganareha uchiya.

Misemo 14:8

Ikima ya mwenye achili ni kuelewa njiraze, ela uzuzu wa ajinga nkuachenga nyo enye.

Misemo 13:3

Mutu wa maneno ga chiasi andakala na maisha mare, ela mutu wa maneno ga bovobovo andabanangbwa.

Misemo 12:13

Atu ayi agbwirwa ni maneno gao mai, ela enye haki nkuepuka tabu.

Misemo 10:10

Afwinyiraye dzitso mutu andazula tabu, ela mzuzu asiyetsambula maneno, andadziangamiza.

Zaburi 119:34

Nipha ufahamu ili niweze kugbwira shariyayo na kuilunga moyo kutsuka.

Misemo 9:8

Mwenye chibero usimuonye, mana andakuzira, muonye mwenye ikima naye andakumendza.

Misemo 10:14

Atu enye ikima nkuika akiba ya marifwa, ela azuzu nkudzigombera na kudzirehera tabu.