Misemo 10:25 - Digo Bible

²⁵ Phuto rinaphotsupa atu ayi nkuphepheruswa, ela enye haki andadumu hata kare na kare.

Misemo 10:25 Referans Kwoze

Zaburi 15:5

Ni yuya ambaye achiaphasa pesa, kalonda fwaida, na kahala hongo ili aonere asio na makosa. Mutu ahendaye higa kandakakamiswa ni utu ta kare na kare.

Zaburi 58:9

Naauswe upesi kabila taadzangbweelewa, naangʼolwe dza miya, mimea ya weruni au kpwekpwe, katika tsukizize Mlungu naaphepheruse kure wakati achere moyo.

Misemo 12:3

Mutu ahendaye mai kandadumu, ela enye haki taandangʼolwa.

2 Timothi 2:19

Ela msingi wa ukpweli wa Mlungu wadina ndindindi na watiywa muhuri wa maneno higa: “Mlungu anamanya ariye wakpwe,” na “Chila mutu akubaliye kukala iye ni Bwana, ni lazima ariche mai gosi.”

1 Timothi 6:19

Kpwa kuhenda hivyo, andadziikira akiba ambayo ni msingi mnono wa wakati wedzao, ili badaye aphahe maisha ga kpweli.

Aefeso 2:20

Hu dza mawe gadzengerwago dzengo dziphya ni mitume na manabii. Na hiro dzengo rinadzengbwa dzulu ya dziwe kulu ra msingi, ambaro ni Masihi Jesu mwenye.

Mathayo 16:18

Nami nakuamba, nindakuiha Petero. Atu ndionikuluphira, nindaahenda akale atu angu, nawe undakala ndiwe dziwe ra msingi. Na hata nguvu za kuzimu tazindaweza kurivundza kanisa rangu.

Isaya 40:24

Aho ni dza mbeyu ambayo ichiphandwa tu, kabila taidzangbwehenda mizi mtsangani, iye nkuavuvurira phepho akanyala, na chikulukulu nkuaphepherusa dza mibuwa ya kuuma.

Misemo 12:7

Atu ayi nkuangamizwa na akasira, ela nyumba ya mwenye haki indadumu.

Misemo 1:27

Nduni iyo ndiphokugbwavukirani dza phuto, na mashaka genu ndiphokuphepherusani dza chikulukulu, hipho ziki na tabu ndiphokuphahani,

Ayubu 21:18

Kpwani nkuphepheruswa ni phepho dza makodza ga kuuma, au dza wiswa uphepheruswavyo ni chikulukulu?

Misemo 10:30

Enye haki taandangʼoka kula kpwenye tsi yao, ela atu ayi taandasala bii.

Ayubu 17:9

Ela wa haki andagbwira njiraye, na ye wa mikono swafi andazidi kuphaha nguvu.

Ayubu 20:8

Andayalwa dza ndoso na kandaonewa tsona, andafutika dza ruwiya ya usiku.

Zaburi 58:10

Atu a haki andahererwa achiona ayi anatiywa adabu, nyayo zao zindavyoga-vyoga iyo milatso ya atu ayi.

Zaburi 125:1

Amukuluphirao Mwenyezi Mlungu ni dza mwango wa Sayuni, ambao tauweza kusumbiswa, ela unadumu hata kare na kare.