Misemo 10:17 - Digo Bible

¹⁷ Akubaliye kuhenda adabu anaelekeya njira ya uzima, ela iye aremaye kudemurirwa andaangamika.

Misemo 10:17 Referans Kwoze

Misemo 6:23

Mana shariya hizi ni taa, na mafundzo higa ni mwanga, nako kuonywa na kutiywa adabu ni njira ya uzima,

Luka 11:28

Ela Jesu achimuamba, “Ni kpweli, ela ario na raha zaidi ni hinyo asikirao ujumbe wa Mlungu na akaukubali!”

Misemo 15:10

Mutu aremaye njira ya sawa andatiywa adabu kali na mutu amenaye kukanywa andafwa.

Misemo 29:1

Mutu aonywaye kano nyinji na ahende likakado, andavundzwa gafula bila ya kupona.

Misemo 5:12

Ndipho undaamba, “Baha kala siyazira kutiywa adabu na moyo wangu kubera kuonywa!

Misemo 3:18

Ikima ni muhi wa uzima kpwa osi anaoiphaha, ana baha osi anaogbwirana nayo.

Muhubiri 5:6

Tundza lilimiro sedze rikakuinjiza dambini. Mana uchihenda hivyo indabidi umuambire mtumishi wa Mlungu kukala wapitiliywa. Kpwa utu wani umtsukize Mlungu na manenogo na kumuhenda abanange kaziyo?

Misemo 12:1

Akubaliye mafundzo anamendza marifwa, ela asiyelonda kuonywa ni mzuzu.

Misemo 4:13

Gbwira sana mafundzo ga ikima usigariche gatsopoke, gatundzeto kpwani ni uzimao.

Aeburania 12:25

Hakikishani munamphundza ye agombaye, mana akare enu arema kumphundza Musa ariyeaonya hipha duniani, nao achitiywa adabu kali. Naswi hakika hundatiywa adabu kali sana huchirema kumuogopha ye ahugombekezaye kula mlunguni.

Misemo 4:4

baba wanifundza achiamba, “Moyoo nauririkane sana maneno gangu, gbwira shariya zangu, nawe undaishi.

Misemo 1:30

Madamu mwarema mashauri gangu, na mchipuza maonyo gangu gosi,

2 Nyakati 25:16

Wakati hiye nabii acheregomba, mfalume Amaziya wamkata kauli achimuamba, “Uwe siwe mmwengawapho wa ashauri angu! Nyamala sedze nkakuolaga.” Hipho yuya nabii wanyamala, ela achiamba, “Namanya kukala Mlungu akakusudiya kukutiya adabu, kpwa mana, kpwandza ukakosera na kutaki kuphundza ushauri wangu.”

Aeburania 2:1

Kpwa hivyo gara huchigosikira, nahuzidini kugalunga, husedze hukagaricha na kulunga mambo ganjina.

Aamuli 19:17

Ariphotsupha matso waona yuya mcharo asegere seemu ya wazi ya mudzi, achiauza, “Ulaphi na unaphiya kuphi?”

Misemo 5:14

Pho vino nikabanangikirwa, na nkadzitiya waibu mbere za atu.”

Misemo 15:32

Mutu akosaye adabu anadzibera mwenye, ela mutu achikubali kukanywa anaenjereza achili.