Misemo 10:13 - Digo Bible

¹³ Maneno ga ikima gala mromoni mwa mwenye achili, ela asiye achili andapigbwa fwimbo ya mongo.

Misemo 10:13 Referans Kwoze

Misemo 26:3

Viratu farasi aphirikpwavyo na ndata, na punda mijeledi, ndivyo mongo wa mzuzu ni ukiritwe vikoto.

Misemo 6:32

Aziniye kana achili kamare, ahendaye hivyo anaangamiza maishage mwenye.

Isaya 50:4

Mwenyezi Mlungu akanifundza ga kugomba, ili niatiye moyo achioremwa. Chila ligundzu ananilamusa ili niphahe kuphundza mambo alondago kunifundza.

Misemo 27:22

Hata mzuzu uchimphonda chinuni dza matsere kundaweza kumtenganisha na uzuzuwe.

Misemo 20:15

Kuna zahabu na unji wa mawe ga samani, ela chitu cha samani chisichophahikana sana ni neno ra marifwa.

Misemo 19:29

Atu a chibero andatiywa adabu na mongo wa mzuzu u tayari na kupigbwa.

Misemo 17:10

Mutu wa achili achikanywa limwenga nkuteryeka zaidi, kuriko mzuzu atiywapho mbugu gana mwenga.

Misemo 15:23

Kulavya jibu nono kunafurahisha, ni ajabu kuphaha neno ra kufwaha kano unaphoritaka!

Misemo 15:7

Mromo wa mutu wa achili nkueneza marifwa, ela mzuzu kaweza.

Misemo 10:31

Mromo wa mwenye haki unafundza ikima, ela lilimi ra mutu wa handzo rindakatwa.

Misemo 10:21

Maneno ga enye haki ganafwaidi atu anji, ela azuzu aolagbwa ni kukosa achili.

Zaburi 32:9

Phahi usikale dza farasi au nyumbu, ambao taana ufahamu, ambao ni lazima alongozwe kpwa kufungbwa chuma na mkpwowa, bila ya hivyo taandakusengerera.”

Luka 4:22

Atu osi amtogola, na achiangalazwa ni manenoge mazuri achigogomba. Chisha achiuzana, “Yuno siye yuya mwana wa Yusufu?”

Misemo 7:22

Mara mwenga yuya mvulana wamlunga-lunga ye mchetu, dza ngʼombe aphirikpwaye chitsindzironi, dza kulungu agbwirwavyo ni muhego.

Kutsama 10:12

Mwenyezi Mlungu achimuambira Musa, “Unula mikonoyo dzulu ya tsi ya Misiri ili ndzije amwagikane tsi ndzima na arye chila chitu chimeracho, na chochosi chosazwa mo mindani ni yo mvula ya mawe.”

Zaburi 37:30

Kanwa ya mutu wa haki igomba ikima na lilimire rigomba uamuli wa haki.

Misemo 16:21

Mutu wa ikima andamanywa na achilize na mutu amanyaye kugombato andavweha atu adzifundze.