Misemo 1:32 - Digo Bible

³² Kpwa kukala atu asiomanya nkudziolaga kpwa likani rao, azuzu nkudziangamiza kpwa kura kudziamini kpwao.

Misemo 1:32 Referans Kwoze

Aeburania 12:25

Hakikishani munamphundza ye agombaye, mana akare enu arema kumphundza Musa ariyeaonya hipha duniani, nao achitiywa adabu kali. Naswi hakika hundatiywa adabu kali sana huchirema kumuogopha ye ahugombekezaye kula mlunguni.

Misemo 8:36

Ela anikosao analumiza mioyo yao enye, na osi anizirao mimi anamendza chifo.”

Johana 3:36

Yeyesi akuluphiraye Mwana ana uzima wa kare na kare. Ela asiyemuogopha kandakala na uzima mana Mlungu anaenderera kumreyera.”

Jeremia 2:19

Uyio mwenye undakutiya adabu, na kuasiko kundakudemurira. Vivi manya kukala, kumricha Mwenyezi Mlungu, Mlunguo na kusamuogopha, ni utu uyi na wa kulumiza, Mwenyezi Mlungu, Mlungu wa majeshi anaamba.

Aeburania 12:8

Mlungu nkutiya anae adabu ili aalongoze vinono, na ichikala kandakutiyani adabu, manyani kala mu ana a vuweni, simwi anae enye.

Zaburi 69:22

Sikukuu zao nazikale mihego kpwao, na sikukuu zao za sadaka za kutsindza ziagbwire.

Jakobo 5:5

Mwasagala duniani maisha ga raha na anasa. Mu dza nyama ambao anona na a tayari kpwa siku ya kutsindzwa.

Misemo 1:22

“Mwi msiomanya! Mnalonda kusamanya hadi rini? Na mwi enye chibero, mundamendza kubera hata rini? Namwi apumbavu! Mundazira marifwa hadi rini?

Misemo 5:22

Mutu mui andachengbwa ni uyiwe mwenye; andafungbwa na mkpwowa wa dambize mwenye.

Misemo 8:5

Mwino azuzu dzifundzeni kukala alachu, namwi apumbavu kalani na makini.

Isaya 66:4

Phahi, nami ndaarehera mapigo, ndaarehera go agaogophago. Mana nriphoiha, taphana ariyeihika, nriphogomba, taphana mutu ariyephundza. Ahenda mai phangu matsoni, go gasigonifwahira ndigo arigotsambula kugahenda.”

Kumbukumbu 28:17

“Vikaphu vyenu vya nganu na miyo yenu ya kukandira unga indalaniwa.

Misemo 2:18

Nyumbaye inadidimiza chifoni, na njiraze zinaphirika kuzimu.

Misemo 9:18

Ela azuzu taamanya himo ndani muna nyufu, na ajeni ariomenya mwa mchetu hiye pha sambi a kuzimu.

Misemo 10:21

Maneno ga enye haki ganafwaidi atu anji, ela azuzu aolagbwa ni kukosa achili.

Misemo 14:16

Mutu wa achili nkumuogopha Mlungu na kuricha mai, ela azuzu taana makini na taajali.

Amosi 6:1

Shauri yenu mwimwi msiokala na wasiwasi kuko Sayuni, na mwimwi mdzionao mu salama ko mwango wa Samariya, atu mashuhuri a taifa ririro ra kpwandza ambao atu a Iziraeli nkulunga msada kpwao.