Mika 7:16 - Digo Bible

¹⁶ Mataifa ganjina gandaona na gagbwirwe ni waibu kpwa kukala gadziona gana mkpwotse mbavi mkpwotse wao si chitu kpwa Mlungu. Gandamaka na gabandike mafumba gao miromoni na masikiro gao gasisikire.

Mika 7:16 Referans Kwoze

Isaya 26:11

Uwe Mwenyezi Mlungu ukaaunurira mkpwonoo ili uatiye adabu, ela taauona. Ariche aone vira unavyoamendza atuo na agbwirwe ni haya. Moho urioikira maaduigo nauaoche.

Isaya 52:15

Ela vivi andaangalaza mataifa manji, atawala andakosa ra kugomba kpwa kuangalala. Mana andaona mambo ambago taadzangbweambirwa, na andaelewa mambo ambago taadzangbwegasikira.

Ayubu 40:4

“Lola, mimi si rorosi, ndakujibu utu wani? Nkafunga mromo wangu.

Maono 11:18

Atu a mataifa ganjina asiokujali akuzira, nawe wakati wa kuriphiza ukafika. Sambi ni wakati wa atu a kufwa aamulwe. Ndio wakati wa kuatuza atumishio manabii, na atuo osi ariokuogopha, ario na vyeo na asiokala na vyeo. Na ndio wakati wa kubananga atu osi ambao abananga dunia.”

Arumi 3:19

Kufikira hipho hunaona kukala hizo Shariya, zichigomba utu wowosi, zinaambira atu osi azilungao. Nazo zaikpwa ili Mlungu ndiphoamula dunia, anadamu asikale na sababu ya kudzihehera, na ionekane wazi kukala atu osi ana makosa mbere za Mlungu.

Zakariya 12:9

Siku iyo mimi nindaangamiza mataifa ganjina gosi ndigo kpwedzavamia Jerusalemu.

Mika 5:8

Hinyo ndiosala a chivyazi cha Jakobo, andasagala kahi za mataifa ganjina, kahi za atu anji andakala dza simba kahi za nyama a tsakani, dza mwana simba kahi za kundi ra mangʼondzi, ambaye achitsupa nkuavyoga-vyoga na kuamwamula vipande-vipande, wala taphana yeyesi wa kuativya.

Ezekieli 38:23

Phahi vivyo ndivyo ndivyodzionyesa kukala nina nguvu na ni mtakatifu na nidzimanyise mbere za mataifa manji. Ndipho andamanya kukala mimi, ndimi Mwenyezi Mlungu.’

Isaya 66:18

“Mana namanya mahendo gao na maazo gao. Nami ndakpwedza nikusanye atu a mataifa ganjina gosi na a luga zosi, nao andaona nguma yangu.

Zaburi 126:2

Miromo yehu yaodzala chitseko na malilimi gehu gachipiga njerejere, halafu atu a mataifa ganjina aamba: “Mwenyezi Mlungu akaahendera mambo makulu.”

Ayubu 21:5

Nilolani na muangalale, muzibe kanwa zenu na mafumba.

Misemo 30:32

Ichikala ukahenda uzuzu wa kudzikarya, au ukapanga kuhenda mai, richa tsetsetse.

Mika 3:7

Aonadzi andagbwirwa ni haya, na apigi a mburuga agbwirwe ni haya, osi andafunga kanwa zao mana taphana jibu kula kpwa Mwenyezi Mlungu.”

Hagai 2:22

Nindapindula afalume na falume zao. Tsona nindabananga nguvu za mataifa. Nindapindula magari ga kuvwehwa ni farasi na aphiriki ao. Farasi andafwa na aphiriki ao andaolagana enye kpwa enye.’”