Mika 6:8 - Digo Bible

⁸ Hata, uwe mwanadamu Mwenyezi Mlungu akakuonyesa ririro ra sawa. Ye Mwenyezi Mlungu analonda utu wani? Iye analonda uhende haki na ukale na mendzwa isiyosika, ukale mutu wa kugbwa maguluni mbereze.

Mika 6:8 Referans Kwoze

Misemo 21:3

Mwenyezi Mlungu anafwahirwa ni mambo garigo ga haki na ga sawa kuriko kulavya sadaka.

Akolosai 3:12

Mlungu wakutsambulani mkale atue. Mwatengbwa kumuhumikira Mlungu na anakumendzani. Kpwa hivyo mkale apole, ni lazima mkale na mbazi, msihende ngulu, mkubali maoni ga ayawenu, mvumirirane,

Jeremia 22:3

Mwenyezi Mlungu anaamba kukala muhende ga haki na garigo sawa. Mteryeni achiyetiywa mikononi mwa atu ayi achiomuiyira malize. Musiahendere mai ajeni, anachiya na magungu wala msimwage mlatso wa mutu asiye na makosa kahi ya tsi ihi.

Hosea 6:6

Mana naaza mkale na mendzwa isiyosika, si kunilavira sadaka. Nalonda mmanye Mlungu, kuriko kunilavira sadaka za kuochwa.

1 Samueli 15:22

Naye Samueli achiamba, “Kpwani ye Mwenyezi Mlungu anahamirwa sana ni sadaka za kuochwa na sadaka zanjina, hebu nkuhamirwa ni mutu wa kulunga sautiye? Lola, kumuogopha iye ni vinono kuriko sadaka, Na kusikira iye ni bora kuriko marunya ga turume.

Isaya 66:2

Vitu vivi vyosi navitengeza na mkpwono wangu, navyo vichikala,” Mwenyezi Mlungu anaamba. Nkuhamirwa ni hara adzitserezao na kutubu, aniogophao na kunitii.

1 Petero 3:8

Chimarigizo nakuambirani mosi: gbwiranani mkale na moyo mmwenga mosi bu. Mendzanani na muonerane mbazi, wala msihende ngulu tse.

Luka 6:36

Phahi, kalani na mbazi dza Sowe yenu ariye mlunguni arivyo.”

Luka 11:42

“Ela shaka hiro mwi Mafarisayo! Kpwa mana munalunga Shariya ya kumupha Mlungu fungu ra kumi ra mavuno makulu na hata mavuno madide, ela tamjali haki wala tammendze Mlungu. Higa ndigo mlondwago kuhenda, bila ya kubera higo ganjina.

Amosi 5:24

Ela uamuli wa haki ujere dza madzi, na haki dza muho usiouma.

Mathayo 5:7

Baha aonerao ayawao mbazi, mana Mlungu andaaonera mbazi.

Aefeso 4:32

Ela oneranani mbazi na muhenderane mambo manono. Mswameheane dza viratu Mlungu arivyokuswameheni kpwa sababu ya Jesu ariyehuokola.

Mwandzo 18:19

Námtsambula ili aambire anae na vivyazivye bada ya iye alunge njira ya Mwenyezi Mlungu kpwa kuhenda ga haki na garigo ga sawa mbere zangu. Achihenda vivyo, mimi Mwenyezi Mlungu nindamuhendera Burahimu gosi ambago námlaga.”

Muhubiri 12:13

Bada ya higo gosi, mino namarigiza hivi: Muogopheni Mlungu, chisha mlunge malagizo kpwa kukala gago ndigo ga lazima kpwa mwanadamu.

Hosea 12:6

Kpwa hivyo kpwa msada wa Mlungu wenu, muuyireni, onyesani mendzwa na muhende ga haki. Mkuluphireni Mlungu chila wakati.

Isaya 57:15

Mana vivi ndivyo aambavyo iye ariye dzulu, iye aunulwaye sana, iye ariye moyo hata kare na kare, ambaye dzinare ni Mtakatifu, “Mimi nasagala phatu phatakatifu pharipho dzulu, chisha ninasagala phamwenga na nyo adzitserezao na kutubu, ili niatiye nguvu nyiphya.

Mathayo 5:3

“Baha adzimanyao kukala ni agayi a chiroho, mana ufalume wa mlunguni ni wao.

Zefania 2:3

Muendzeni Mwenyezi Mlungu mwi atu anyenyekevu murio kpwenye tsi, mlungao amurize. Hendani haki na mnyenyekee nkuhenda mkaepuka kutiywa adabu siku iyo ya tsukizi za Mwenyezi Mlungu.

Danieli 4:37

Vivi mimi Nebukadineza namtogola, namuunula na kumuishimu mfalume wa mlunguni, mana kazize zi sawa na njiraze ni za haki, na nyo adziunulao iye anaweza kuatsereza.

Zaburi 37:26

Wakati wosi analavya moyo mmwenga na kuaphasa anjina na anae andakala baraka.

Nehemia 9:13

“Watserera dzulu ya mwango Sinai, uchigomba na atuo kula mlunguni. Uchiapha malagizo ga haki, shariya za kpweli na amuri nono.

Zaburi 112:4

Hata kuchikala na jiza chisha mwanga undamungʼarira mutu ahendaye sawa, Mwenyezi Mlungu ana mbazi, huruma na haki.

Sonono za Jeremia 3:26

Ni vinono mutu kuhurira wakati anagodzera nyo wokofu wa Mwenyezi Mlungu.

Zaburi 112:9

Anaganya vituvye moyo kutsuka kuganyira achiya, hakiye inadumu hata kare na kare, andakala na nguvu nyinji na ishima.

Zaburi 73:28

Ela kpwangu ni vinono kukala phephi na Mlungu, Mwenyezi Mlungu ndiye chimbiriro rangu, nindatangaza gosi urigohenda.

2 Nyakati 34:27

‘Kpwa kukala moyoo ukakubali upesi nawe ukagbwa maguluni mbere za Mlungu uchiphosikira manenoge chinyume cha phatu phapha na atu asagalao mumo, nawe ukagbwa maguluni mbere zangu na ukakpwanyula mavwazigo na kurira mbere zangu, mimi nami nkakusikira, Mwenyezi Mlungu anaamba.

Jakobo 2:20

U mzuzu uwe! Unalonda kuhakikishirwa kala kuluphiro bila ya mahendo manono tarina mana?

Arumi 7:16

Ichikala nahenda nisigogamendza, inaonyesa kala nakubali kala Shariya ni nono.

2 Nyakati 32:26

Ndipho Hezekiya na enyezi a Jerusalemu achidzinyenyekeza na achimvoya Mwenyezi Mlungu msamaha nao achiswamehewa. Kpwa hivyo Mwenyezi Mlungu kayaatsukirirwa tsona siku zosi za Hezekiya.

1 Samueli 12:23

Ela mino sindamuhendera dambi Mwenyezi Mlungu kpwa kuricha kukuvoyerani. Nindaenderera kukufundzani njira iriyo nono na ya sawa.

Arumi 9:20

Ela we, u ani hata umuuze Mlungu? Dze, chitu choumbwa chinaweza kushindana na yechiumba na kuuza, “Kpwa utu wani waniumba hivi?”

Luka 10:42

ela umanye kuna chitu chimwenga muhimu. Maryamu akatsambula chitu chinono, kuniphundza, na takuna ndiyemfuta.”

Ezekieli 16:63

Mwenyezi Mlungu anaamba: Wakati ndiphokuswamehe kpwa gosi urigogahenda undatambukira, ugbwirwe ni waibu, nawe kundagomba tsona kpwa sababu ya kutserezwako.’ ”

2 Nyakati 33:23

Ise Manase wadzinyenyekeza mbere za Mwenyezi Mlungu sikuze za mwisho, ela ye warema kuhenda hivyo tse. Amoni waenderera kuhenda dambi dzulu ya dambi.

2 Athesalonike 2:16

Baba Mlungu wahumendza, na kpwa mbazize achiuhuriza mioyo hata kare na kare na kuuhenda hukale na uhakika wa kusagala naye hata kare na kare. Hunakuvoyerani kukala Bwana wehu Jesu Masihi mwenye

Mwandzo 5:22

Bada ya kuvyala Methusela, Enoko wasagala miaka magana mahahu, achikala na uhusiano mnono na Mlungu na kumuogopha. Naye achikala akavyala ana anjina, alume na achetu.

Alawi 26:41

chiasi cha kunihenda niapinge na kuaphirika tsi ya maadui gao. Ichikala mioyo yao mifu indagbwa maguluni na kukubali kutiywa adabu,

2 Nyakati 33:19

Manabii aandika mambo manji kuhusu Manase, mavoyo arigovoya na vira Mlungu arivyomkubaliya, dambize zosi na ukosefuwe wa uaminifu, mwatu mwa dzulu arimodzenga mwa kuabudira vizuka na vira arivyoimisa nguzo za Ashera na arivyotengeza vizuka kabila kabado kulalamira Mlungu.

1 Akorintho 7:16

Mwi achetu mumukuluphirao Jesu, munamanyadze kukala alume enu taandamkuluphira Jesu kpwa sababu yenu? Ama mwi alume mumukuluphirao Jesu, munamanyadze kala achetu enu taandamkuluphira Jesu kpwa sababu yenu?

2 Nyakati 30:11

Ni atu achache-achache tu, kula Asheri na kula Manase na kula Zabuloni ambao adzinyenyekeza achedza Jerusalemu.

Luka 12:14

Jesu achimuamba, “Msena wangu, ni ani yenitsambula nikale muamuli wenu ama mutu wa kukuganyirani urisi?”

Kumbukumbu 30:15

“Rero hino ninakuikirani kahi ya uzima na manono uphande mmwenga, chifo na mai uphande wanjina.

Isaya 56:1

Mwenyezi Mlungu anaamba vivi, “Hendani ga haki na garigo sawa, mana ni phephi na kukutivyani, na haki yangu taikure na kuikpwa wazi.

Ezekieli 33:14

Phahi nchimuambira mutu mui, ‘Kpwa kpweli undafwa,’ ela mutu iye ariche kuhenda dambi na ahende haki na garigo sawa,

Mika 6:9

Phundzani! Mwenyezi Mlungu anagomba na atu a Jerusalemu! Kuogopha dzinare ni ikima. Mwenyezi Mlungu anaamba, “Sikira we taifa na osi achiokusanyika mo mudzini.

Zakariya 7:9

“Mwenyezi Mlungu, Mlungu wa majeshi anaamba hivi, ‘Lavyani uamuli wa haki, muonerane mbazi na mmendzane.

Kumbukumbu 27:10

Kpwa hivyo phundzani sauti ya Mwenyezi Mlungu, Mlungu wenu na mlunge amurize na malagizoge ambago ninakuamuruni hivi rero.”

Joshuwa 24:14

“Kpwa hivyo, vivi sambi muogopheni Mwenyezi Mlungu na mumuhumikire moyo kutsuka na uaminifu. Richani milungu ambayo akare enu aihumikira ariphokala ngʼambo ya muho Yufurati na ariphokala Misiri, muhumikireni Mwenyezi Mlungu.

Zaburi 101:1

Nindaimba kuhusu mendzwayo isiyosika na uamulio wa haki, nindakuimbira mawira ga kukutogola uwe, ee Mwenyezi Mlungu.

Jeremia 9:23

Mwenyezi Mlungu anaamba, “Mutu ariye na ikima naasidzikarye kpwa ikimaye, na mwenye mkpwotse naasidzikarye kpwa mkpwotsewe na tajiri naye naasidzikarye kpwa utajiriwe.

Jeremia 22:16

Waamula achiya na ariotsowa kpwa haki na mamboge gachimphihira vinono. Gano si gahendeka kpwa kunimanya mimi Mwenyezi Mlungu?