Mika 5:5 - Digo Bible

⁵ Naye andakala amani yao. Aashuru ndiphokpwedza vamia tsi yehu, na kuinjira kpwenye ngome zehu hundaaimisira vilongozi sabaa na akulu anane a majeshi apigane nao.

Mika 5:5 Referans Kwoze

Luka 2:14

“Naatogolwe Mlungu dzulu mlunguni, na atu ambao anamuhamira Mlungu naakale salama duniani!”

Zakariya 10:3

Mwenyezi Mlungu anaamba, “Nkaatsukirirwa sana nyo arisa, nami nindaatiya adabu.” Mana Mwenyezi Mlungu, Mlungu wa majeshi anamanyirira mifugoye, yani atu a Juda, naye andaahenda akale dza farasie anono a viha.

Johana 14:27

Nakurichirani amani yangu, nayo si dza hira ilaviwayo ni atu asiomkuluphira Mlungu. Msisononeke wala kukala aoga.

Zakariya 9:10

Nindausa magari ga kuvwehwa ni farasi gavwehwago ni farasi kula Efuraimu, na farasi a viha kula Jerusalemu. Maha ga viha gandauswa, naye andatangazira mataifa amani. Utawalawe undakala kula bahari hadi bahari, na kula muho Yufurati hadi pembe za dunia.

Muhubiri 11:2

Ganyira mali uriyo nayo atu sabaa au hata anane, mana kumanya tsi indaphahwa ni shaka rani.

Ayubu 5:19

Andakutivya na mashaka sita, hata ro ra sabaa, andakutivya.

Maono 19:14

Nago majeshi ga mlunguni kala ganamlunga-lunga nyuma. Kala gakavwala nguwo nono, nyereru tsetsetse zisizo na madowa, nao kala akapanda farasi ereru.

Maono 17:14

Andaungana naro kupigana viha na Mwana ngʼondzi. Ela Mwana ngʼondzi na atue andaaturya mana iye ni Bwana wa mabwana na Mfalume wa afalume. Nao atue ni hara arioihwa na kutsambulwa ni Mlungu, nao ni aaminifu.”

Johana 16:33

Enehu, nkakuambirani mambo higa, ili mkale na amani mwenu mioyoni kpwa sababu yangu. Himu duniani atu andakugayisani, ela dinani chilume! Mana mino náshinda dunia.”

Zakariya 12:6

“Siku iyo nindahenda vilongozi a Juda akale dza chidzaya cha moho kahi ya kuni, na dza chimwindi cha moho kahi ya masuche ga mtsere gachigofungbwa mabutsa-mabutsa. Aho andaangamiza atu a pande zosi zozunguluka Jerusalemu, ela atu a Jerusalemu andasala salama mumo mudzini.

Zakariya 9:13

Mana Juda nkaiphinda dza uha wangu; na Efuraimu nkaipharika dza muvwi. Nindaasunganya atuo, uwe Sayuni, na kuahenda dza upanga wa viha wa sujaa apigane na atuo, uwe Uyunani.

Amosi 1:6

Mwenyezi Mlungu anaamba, “Kpwa sababu atu a Gaza akahenda dambi vivyo kpwa vivyo, ni niatiye adabu. Ahala mateka malalo mazima-mazima, na atue achiaguza dza atumwa kpwa Aedomu.

Amosi 1:3

Mwenyezi Mlungu anaamba, “Kpwa sababu atu a Damasikasi akahenda dambi vivyo kpwa vivyo, ni niatiye adabu. Aho apiga atu a Giliadi dza mutu awagavyo mtsere kpwa vifwaya vya meno-meno ga vyuma.

Jeremia 33:15

Siku zizo na wakati uho nindahenda Panda yenye haki itsephule kula chivyazi cha Daudi, naye andahenda haki na garigo sawa kpwenye yo tsi.

Isaya 65:8

Mwenyezi Mlungu anaamba hivi, “Dza viratu ambavyo atu nkuamba butsa ra zabibu risitsuphiwe mana richere na uchi mimi nami nindaahendera atumishi angu dza vivyo, sindaaolaga osi.

Isaya 59:19

Phahi atu andariogopha dzina ra Mwenyezi Mlungu, na kuishimu ngumaye, kula mlairo wa dzuwa hadi mtswerero wa dzuwa, mana andakpwedza dza madzi ga mafuriko gachigovuvurirwa ni Mwenyezi Mlungu.

Isaya 44:28

Higa ndigo niambago kuhusu Koreshi, ‘Iye ni mrisa wangu naye andatimiza mahendo gangu gosi,’ na niambiraye Jerusalemu, ‘Undadzengbwa luphya,’ na kuiambira nyumba ya kuvoya Mlungu, ‘Misingiyo indaikpwa.’ ”

Isaya 7:14

Kpwa hivyo Mwenyezi Mlungu mwenye andakupha ishara. Lola, mwanamwali andagbwira mimba, adzivugule mwana mlume, naye andamuiha Imanueli.

Misemo 30:29

Kuna viumbe vihahu vyenye tabiya ya kufwahira; kamwe ni vine vyenye tabiya nono:

Misemo 30:18

Kuna mambo mahahu ambago ni ajabu kpwangu, kamwe ni mane ambago sigaelewa.

Zaburi 72:7

Wakati wa maishage gosi haki indatawala na kukale na amani hadi mwezi ukale taupho tsona!

Misemo 6:16

Kuna vitu sita ambavyo vinamtsukiza Mwenyezi Mlungu, ee, kamwi ni sabaa ambavyo wavimena:

Isaya 14:25

Ndamʼbananga iye Muashuru ariye kpwenye tsi yangu na nimvyoge-vyoge dzulu ya myango yangu. Ndaausira atu angu gogolo ra Aashuru na mizigo ambayo kala akaitsukula.

Zakariya 10:11

Andatsupira na bahari ya mateso, maimbi ga bahari gandahurizwa, na vivwa vya muho Naili vindauma. Chimvute cha Aashuru chindatserezwa, na utawala wa Misiri undasiswa.