Mika 4:9 - Digo Bible

⁹ Sambi kpwa utu wani unarira na raka ra dzulu? Kpwani kuna mfalume? Dze, mshaurio akafwa, ndipho ukale na utsungu dza mchetu ariye na utsungu wa kudzivugula?

Mika 4:9 Referans Kwoze

Jeremia 8:19

Phundzani chiriro cha atu angu, ariravyo ko tsi ya kure. Dze, ye Mwenyezi Mlungu kako ko Sayuni? Dze, ye mfalume kapho tsona pho? Mwenyezi Mlungu achijibu, “Kpwa utu wani akanitsukiza na vizuka vyao vya kutsonga, na milungu yao ya chijeni?”

Hosea 10:3

Chisha andaamba, “Swino tahuna mfalume, kpwa kukala tahuyamuogopha Mwenyezi Mlungu. Hata kala hunaye ye mfalume, angehuhenderani?”

Hosea 3:4

Mana nyo Aiziraeli andakala siku nyinji bila kukala na mfalume au chilongozi, bila sadaka, bila nguzo ya kuvoywa, bila chisibao wala chizuka.

Sonono za Jeremia 4:20

Mfalume wehu, ye mmwagirwa mafuha wa Mwenyezi Mlungu, ariye mrindzi wa taifa rehu, wagbwirwa ni mihambo yao. Enye kala hukafikiriya kukala andahurinda na taifa rorosi phapha duniani.

Jeremia 50:43

Mfalume wa Babeli wasikira ripoti yao, mikonoye ichirejera; achigbwirwa ni utsungu, dza wa mchetu alondaye kudzivugula.

Jeremia 22:23

Mwi atu a Lebanoni, msagalao nyumba za mierezi, mundauladze wakati ndiphogbwirwa ni utsungu, utsungu dza wa mchetu alondaye kudzivugula!”

Jeremia 4:21

Nindaenderera kuona bendera ya viha, na kusikira sauti ya gunda hata rini?

Isaya 26:17

Dza viratu mchetu chiyefisa sikuze za kudzivugula agbwirwavyo ni utsungu akarira, ndivyo hurivyokala swiswi mberezo uwe Mwenyezi Mlungu.

Isaya 21:3

Kpwa kukala nyo mwiri wangu unaluma sana, nina utsungu dza wa mchetu alondaye kudzivugula, ninasikira utsungu kpwa go nsikirago, sina ra kuhenda kpwa go nionago.

Isaya 13:8

Andagbwirwa ni wuoga, andalumwa dza mchetu ariye na utsungu wa kudzivugula. Andatongʼorerana matso na kuangalala, na kumbi zindakundzika kpwa chiwewe.

Johana 16:21

Hata mchetu achifisa wakati wa kudzivugula nkuhenda utsungu, mana wakatiwe wa kugaya ukafika. Ela achidzivugula salama nkuyala hura utsungu, kpwa raha ya kuphaha mwana.

Maono 12:2

Mchetu hiye kala akaandzwa ni ndani ya uvyazi hata achikala anarira kpwa utsungu.

Jeremia 48:41

Midziye indahalwa mateka na ngomeze zindainjirwa. Siku iyo mioyo ya masujaa a Moabu indakala dza ya mchetu ariye na utsungu wa uvyazi.

Hosea 13:13

Utsungu wa kudzivugula undamgbwira, ela iye ni dza mwana mzuzu, ambaye wakati wa kuvyalwa ukafika ela ye kalonda kutuluka kula ndanini.

Mika 5:3

Kpwa hivyo Mwenyezi Mlungu andaaricha Aiziraeli mikononi mwa maadui gao hadi ndiphodzivugula hiye mchetu ariye na utsungu. Alafu ndugu za ye mwana, ariosala kpwenye tsi ya maadui gao andauya adziunge na Aiziraeli ayawao.

Jeremia 4:31

Mana nasikira kululu za mchetu ariye na utsungu, kululu za mchetu avyalaye mwanawe wa kpwandza, chiriro cha msichana wa Sayuni asohaye kpwa tabu, agolosaye mikonoye kuno anaamba, “Shaka rangu mimi! Nafwa purungire mbere za aolagadzi.”

Jeremia 30:10

Phahi Mwenyezi Mlungu anaamba, “Usiogophe uwe Jakobo mtumishi wangu, wala usiangaike, uwe Iziraeli; mana ndakutivya uwe na chivyazicho, kula tsi za kure mrikophirikpwa mkakale mateka. Jakobo andakala na amani na urindzi tsona, na takuna ndiyemtishira.