Mathayo 8:1 - Digo Bible

¹ Jesu ariphomala kufundza, watserera kula gambani, kuno kundi kulu ra atu kala rinamlunga-lunga.

Mathayo 8:1 Referans Kwoze

Mathayo 8:18

Phahi Jesu ariphoona kukala borori ra atu rikamzunguluka, waambira anafundzie avuke ngʼambo ya ziya.

Mathayo 4:25

Kundi kulu ra atu ramlunga-lunga. Anjina kula mumo Galilaya na kula Midzi Kumi, anjina kula Jerusalemu na Judea yosi na anjina kula seemu ya kuvuka muho Joridani.

Luka 5:15

Ela habari za Jesu zazidi kugota, hata atu anji achedzamphundza na kuphozwa makongo gao.

Mariko 3:7

Jesu na anafundzie auka achiphiya kanda-kanda ya ziya ra Galilaya, na kundi kulu ra atu kula Galilaya, jimbo ra Judea richimlunga.

Mathayo 20:29

Jesu na anafundzie ariphokala anauka mudzi wa Jeriko, kundi kulu ra atu ramlunga-lunga.

Mathayo 19:2

Atu madiba-madiba amlunga kuko, naye achiaphozera akongo ao.

Mathayo 15:30

Kundi kulu ra atu ramlunga richimphirikira virema, viswere, vipofu, mabwibwi na akongo anjina anji. Akongo osi aikpwa mbere za maguluge, naye achiaphoza.

Mathayo 12:15

Ela ye wamanya mipango yao na achiuka hipho. Atu anji amlunga-lunga naye achiphoza atu osi ariokala akongo;

Mathayo 7:29

mana wafundza dza mutu ariye na uwezo, wala si dza alimu a Shariya afundzavyo.

Mathayo 8:2

Phahi phakala na mutu mmwenga ambaye kala ana mahana. Mutu hiye wakpwedzachita mavwindi mbere za Jesu achimuamba, “Bwana, uchimendza, unaweza kunitakasa.”