Mathayo 4:25 - Digo Bible

²⁵ Kundi kulu ra atu ramlunga-lunga. Anjina kula mumo Galilaya na kula Midzi Kumi, anjina kula Jerusalemu na Judea yosi na anjina kula seemu ya kuvuka muho Joridani.

Mathayo 4:25 Referans Kwoze

Luka 6:17

Jesu wala gambani na hara mitume, achedzaima hererani. Kala phana kundi kulu ra afuasie na kundi kulu ra atu anjina. Hinyo kala ala Jerusalemu na seemu zanjina zosi za Judea, na kula seemu za pwani ya midzi ya Tiro na Sidoni.

Mariko 5:20

Phahi yuya mutu wanyendeka kuko jimbo ra Midzi Kumi achendatangaza arigohenderwa ni Jesu, na osi ariogasikira achiangalala.

Mariko 7:31

Chisha Jesu wauka seemu za midzi ya Tiro na Sidoni, achiphiya avi anauya seemu za ziya ra Galilaya, hadi achifika jimbo ra Midzi Kumi.

Luka 6:19

Atu osi kala achiaza kumguta, mana nguvu kala zichimtuluka zikaaphoza osi.

Mariko 6:2

Iriphofika Siku ya Kuoya, waandza kufundza sinagogini na anji ariosikira aangalala. Achiuzana, “Yuno, si ni yuyatu fundi wa mbao, mwana wa Maryamu, na ambaye nduguze ni Jakobo, Jose, Juda na Simoni. Na nduguze a chichetu hunasagala nao phapha. Ni marifwa gani arigohewa? Vyo kpweli, yuno ana uwezo wa kuhenda vilinje hivyo?” Phahi nyo atu taayafwahirwa na achimrema tsetsetse.

Mathayo 19:2

Atu madiba-madiba amlunga kuko, naye achiaphozera akongo ao.

Mathayo 12:15

Ela ye wamanya mipango yao na achiuka hipho. Atu anji amlunga-lunga naye achiphoza atu osi ariokala akongo;

Mathayo 8:1

Jesu ariphomala kufundza, watserera kula gambani, kuno kundi kulu ra atu kala rinamlunga-lunga.

Mathayo 5:1

Jesu ariphoona atu anazidi kpwedza, wapanda gambani achendasagala. Nao anafundzie achimlunga.

Mathayo 4:15

“Tsi ya Zabuloni na tsi ya Nafutali, njira ya kanda-kanda ya ziya Galilaya, tsi ya kuvuka muho Joridani, na tsi ya Galilaya kusagalako atu msiokala Ayahudi.