Mathayo 28:7 - Digo Bible

⁷ Namwi phiyani upesi mkaambire anafundzie kukala akafufuka, na hivi sambi akakutanguliyani kuphiya Galilaya ambako mundamuona. Msiyale nchivyokuambirani.”

Mathayo 28:7 Referans Kwoze

Mathayo 26:32

Ela bada ya kufufulwa, nindakutanguliyani kuphiya Galilaya.”

Mathayo 28:10

Chisha Jesu achiaamba, “Msiogophe! Phiyani mkaambire enehu aphiye Galilaya, na andaniona kuko.”

Johana 16:4

Phahi nkakuambirani chimbere mambo higa, ili wakati gachedza, mtambukire kala nákuambirani. Siyakuambirani kula mwandzo, mana kala nchere phapha namwi.”

1 Akorintho 15:4

Tsona wazikpwa na siku ya hahu achifufulwa, kama Maandiko ganavyoamba.

Johana 14:29

Nkakuambirani mambo higa hivi sambi kabila tagadzangbwehendeka, ili gachihendeka, muamini.

Luka 24:34

Hara anafundzi kumi na mwenga achiamba, “Ni kpweli Bwana Jesu akafufuka! Akamtsembukira Simoni Petero.”

Mariko 16:13

Aho piya auya achendaambira ayawao, ela hata hivyo taayaamini.

Mariko 16:10

Maryamu waphiya achendaambira hara ariokala phamwenga na Jesu, na wakati uho akala ana sonono na kurira.

Mariko 14:28

“Ela bada ya kufufulwa, nindakutanguliyani kuphiya Galilaya.”

Mathayo 24:25

Phundzani, nakuambirani chimbere mambo higa kabila tagadzangbwehendeka.

Isaya 45:21

Tangazani na mwedze mdzihehere, uzanani mashauri phamwenga. Ni ani ariyetabiri mambo gano hangu kare? Ni ani ariyegatangaza hangu kare? Dze si mimi Mwenyezi Mlungu? Takuna Mlungu wanjina isiphokala mimi, Mlungu mwenye haki na muokoli. Takuna Mlungu wanjina isiphokala mimi.

Isaya 44:8

Msiogophe wala msihende wasiwasi, kpwani siyakuambirani pho kare na kugatangaza? Mwimwi mu mashaidi angu! Dze, kuna Mlungu wanjina badala yangu? Kpwa kpweli simanya Mwamba wanjina.”

1 Akorintho 15:6

Bada ya hipho watsembukira zaidi ya afuasi magana matsano chivyamwenga, ambapho anji aho achere azima, ela anjina afwa.

Mathayo 28:8

Phahi auka upesi phara mbirani na wuoga kuno akahererwa sana, achizola kpwendaambira anafundzie.