Mathayo 26:38 - Digo Bible

³⁸ achiaambira, “Yo sonono nriyo nayo, naona indanirya! Phahi kalani hipha hucheseni phamwenga.”

Mathayo 26:38 Referans Kwoze

Johana 12:27

“Hipha sambi roho yangu inasikira utsungu, tsona simanya niambedze. Niambe, ‘Baba, niokola na higo garigo mbere yangu?’ Hata, siweza kuhenda hivyo mana nákpwedza duniani kpwa sababu ya gago.

1 Petero 3:18

Jesu wagaya na achifwa limwenga kpwa sababu ya dambi zehu, ili ahupatanishe na Mlungu, ela ye mwenye kayakala na dambi. Waolagbwa ariphokala na mwiri wa chibinadamu ela wafufulwa ni Roho Mtakatifu.

1 Petero 2:24

Jesu mwenye wahala dambi zehu achizihenda avi ni zakpwe hata achikotwa msalabani, ili swiswi husitawalwe tsona ni dambi ela hukale na masagazi gamhamirago Mlungu. Iye walumizwa, ili mphole.

Agalatia 3:13

Shariya zinatiya lana, ela Jesu wahukombola na lana iyo kpwa kutiywa lana ye mwenye, ariphoolagbwa msalabani. Kama Maandiko gaambavyo, “Mutu yeyesi ndiyeolagbwa kpwa kutsomekpwa muhini andalaniwa.”

Isaya 53:10

Ela Mwenyezi Mlungu kala akalonda amguphyule na amuhende agaye, dzagbwe Mwenyezi Mlungu anamuhenda akale sadaka ya kuusa dambi, iye andachiona chivyaziche na maishage gandakala mare, na kutsupira iye alondaro Mwenyezi Mlungu rindaongokerwa.

1 Petero 4:7

Mwisho wa dunia u phephi, kpwa hivyo kalani na chiasi na kudzimanyirira katika gosi muhendago, ili muweze kuvoya.

2 Akorintho 5:21

Jesu kayahenda dambi hata chidide! Ela Mlungu wamuhenda avi kala ana dambi, ili kpwa kuungana naye ariphofwa huphahe kukala na haki ya Mlungu.

Arumi 8:32

Mlungu kayamfwitsa mwanawe mwenye, ela wamlavya afwe kpwa ajili yehu hosi. Phahi, ichikala wahupha mwanawe mwenye, vivyo hivyo andahujaliya mambo manji manono.

Mathayo 25:13

Chimarigizo Jesu waamba, “Kpwa hivyo chesani, mana tammanya mambo gaga gandahendeka siku iphi na saa ngaphi.”

Isaya 53:3

Waberwa na achiremewa ni atu, mutu wa sonono nyinji na amanyaye kugaya ni utu wani. Atu taalondere kumuona, waberwa na tahumuonere dza chitu.

Zaburi 116:3

Nyugbwe za chifo zanilinga-linga, utsungu wa mbira waniphaha nágaya na mahangaiko na sonono.

Zaburi 42:5

Kpwa utu wani unasononeka we moyo wangu, kpwa utu wani unaangaika? Mkuluphire Mlungu, mana nindamtogola iye tsona muokoli wangu na Mlungu wangu.

Isaya 53:12

Kpwa hivyo nindamupha mtalo phamwenga na akulu, naye andaganya zewe phamwenga na enye mkpwotse, kpwa kukala wadzilavya hadi afwe, waolangbwa phamwenga na atu ayi. Iye wahala dambi za anji na kuavoyera ili Mlungu aaswamehe.

Mariko 14:34

achiaambira, “Yo sonono nriyo nayo, naona indanirya! Phahi kalani hipha muchese.”

Wira wa Selemani 5:3

“Nkavula kare vwazi rangu, kpwa nini nrivwale tsona? Nkasinga magulu, dze, niuye kugatiya mtsanga?”