Mathayo 15:19 - Digo Bible

¹⁹ Mana moyoni mwa mutu, ndimo asili ya maazo mai, gamuhendago akaolaga, akahenda uzembe, udiya, wivi, ushaidi wa handzo, na lisengenyo.

Mathayo 15:19 Referans Kwoze

Jeremia 17:9

Moyo una handzo kuriko vyosi, nao tauweza kulagulwa na takuna awezaye kumanya uazacho.

Misemo 4:23

Rinda moyoo kuriko chitu chanjina chochosi kpwa kukala himo ndimo chandzo cha uzima.

Mwandzo 6:5

Mwenyezi Mlungu ariphoona uyi wa atu unazidi phapha duniani na chila apangago mwao mioyoni ni mai wakati wosi,

Jeremia 4:14

Mwi atu a Jerusalemu dzisafisheni, muuse mai mwenu moyoni ili mphahe kutivywa. Hadi rini maazo mai gandakala na nafwasi mwenu moyoni?

Mahendo 8:22

Phahi, tubu uyio na uvoye Mlungu akuswamehe maazogo mai uazago mwako moyoni.

Isaya 59:7

Amaruru kuhenda mai, na kuhenda wangbwi wa kuolaga atu asio na makosa. Maazo gao ni ga uyi, chila phatu ainjirapho, nkuphabananga na kuphahenda gandzo.

Isaya 55:7

Mutu mui naariche uyiwe, na mutu asiye na haki naariche maazoge mai, amuuyire Mwenyezi Mlungu, naye andaonerwa mbazi. Naamuyire Mlungu wehu, naye andamswamehe tsetsetse.

Misemo 6:14

Moyowe mui, utunga mai, chila aphiyapho anazula kondo.

Zaburi 119:113

Simendze anafiki, ela namendza shariyayo.

Arumi 7:18

Namanya mwangu tamuna nono, yani asili yangu ya chibinadamu. Naweza kuaza manono, ela siweza kugahenda.

Mathayo 9:4

Ela Jesu wamanya maazo gao, achiauza, “Ni kpwa utu wani munaaza mai mwenu mioyoni?

Mwandzo 8:21

Mwenyezi Mlungu ariphosikira nyo mzingo mnono, wagomba chimoyo-moyo achiamba, “Sindailani tsona dunia wakati wowosi kpwa sababu ya mambo ga mwanadamu. Namanya kukala maazoge ni mai hangu wanachewe. Sindaviangamiza tsona viumbe vyosi wakati wowosi dza vira vyohenda.

Misemo 24:9

Mutu mzuzu aaza dambi na mutu mwenye chibero nkuzirwa ni atu.

Misemo 22:15

Moyo wa mwanache una uzuzu munji, ela fwimbo ya kumtiira adabu indawuusa wosi.

Isabu 22:29

Balaamu achimjibu achimuamba, “Ukanihenda mzuzu! Kala nina upanga ningekuolaga vi sambi.”

Mathayo 5:28

Ela mino ndimi nakuambirani kukala mutu achiona mchetu na achimuaza, phahi hiye ni kukala a kazini na yuya mchetu mwakpwe moyoni.

Mathayo 15:20

Higa ndigo gamtiyago mutu najisi. Ela kurya chakurya bila kutsukutsa mikono kama mila ziambavyo takumtiya mutu najisi.”