Mariko 6:6 - Digo Bible

⁶ Phahi Jesu waangalazwa ni hara atu kpwa sababu ya kusakuluphira kpwao. Jesu waphiya chidzidzi hadi chidzidzi kuno anafundza.

Mariko 6:6 Referans Kwoze

Mathayo 9:35

Jesu wanyendeka midzi na vidzidzi vyosi vya seemu hiyo. Wakala achifundza ndani ya masinagogi na kutangaza habari nono kuhusu utawala wa Mlungu, kuno anaphoza chila aina ya makongo na unyonje.

Mathayo 8:10

Jesu ariphomsikira, waangalala na achiaambira hara atu kala anamlunga-lunga achiamba, “Nakuambirani kpweli kukala sidzangbweona mutu ariye na imani dza ihi mumu tsi ya Iziraeli.

Luka 13:22

Jesu ariphokala anaphiya Jerusalemu, watsapa na midzini na laloni kuno anafundza.

Mahendo 10:38

Mlungu wamupha Jesu wa Nazareti uwezo na Roho Mtakatifu. Kpwa sababu Mlungu kala anamterya, wazunguluka chila phatu kuhenda manono na kuphoza atu osi okala akatekpwa ni Shetani.

Isaya 59:16

Waangalala ariphoona taphana mutu wa kuhehera aonerwao, phahi mkpwonowe wenye, ndio uriokurehera ushindi, na hakiye ndiyo iriyokuterya.

Johana 9:30

Phahi yuya mutu waamba, “Mbona munaniangalaza ayangu! Munaamba tamummanya alako, ela wanivugula matso!

Mathayo 4:23

Jesu wanyendeka Galilaya yosi kuno anafundza masinagogini mwao na kutangaza habari nono kuhusu utawala wa Mlungu, na kuphoza atu anji ariokala na makongo na unyonje wa chila aina.

Jeremia 2:11

Takuna taifa ririroricha kuabudu milunguye na kuabudu yanjina dzagbwe si milungu tse. Ela atu angu akakakaniza nguma yao na vizuka visivyo na mana.

Luka 4:44

Phahi, waenderera kutangaza ujumbe mo masinagogini ko Judea ndzima.

Luka 4:31

Alafu Jesu waphiya Kaperinaumu, mudzi wa Galilaya, na Siku ya Kuoya, wainjira sinagogini achiandza kufundza.

Mariko 1:39

Phahi wanyendeka Galilaya yosi, achitangaza ujumbe kula kpwa Mlungu masinagogini mwao na kutuluza pepho.

Mariko 10:1

Alafu Jesu wauka achiphiya seemu ya Judea, ngʼambo ya Muho wa Joridani. Atu madiba-madiba amlunga tsona, naye achiafundza kama vyokala tabiyaye.