Mariko 4:41 - Digo Bible

⁴¹ Ela nyo atishirwa sana, achiuzana, “Yuno akale ni ani ambaye hata phuto na maimbi ganamphundza?”

Mariko 4:41 Referans Kwoze

Luka 8:25

Alafu achiaambira anafundzie, “Kuluphiro renu ri kuphi?” Ela aho aangalala na achiona wuoga, na achiuzana, “Yuno ni mutu wa viphi ambaye anaweza kudemurira hata phuto na maimbi, ganamphundza?”

Ayubu 38:11

Nchiamba, ‘Undakpwedza hadi hipha ela kundatsupa, na maimbigo ga nguvu gandazuwiywa hipha.’

Mathayo 8:27

Hara atu achiangalala, achiuzana, “Ni mutu wa viphi yuno ambaye anasikizwa hata ni phuto na maimbi?”

Zaburi 89:7

Mlungu anayeogophewa kpwenye mkpwutano wa atakatifu hiko mlunguni na anaishimiwa sana kuriko osi achiomzumguluka?

1 Samueli 12:24

Muogopheni Mwenyezi Mlungu bahi, mukamhumikire kpwa uaminifu na mioyo yenu yosi. Chisha tambukirani vira arivyokuhenderani mambo makulu.

Maono 15:4

Bwana Mlungu, ni ani asiyekuogopha na kutogola dzinaro? Uwe macheyo ndiwe mtakatifu, na atu a mataifa ganjina gosi andakpwedza kpwako kukuabudu, mana mahendogo ga haki ganaonekana wazi.”

Mariko 5:33

Hipho yuya mchetu, kpwa vira kala akamanya chigomphaha, wakpwedzamgbwerera maguluni kuno anakakama kpwa wuoga, achisemurira chila chitu.

Aeburania 12:28

Kpwa hivyo nahumshukuruni Mlungu kpwa kuhupha ufalume usiosumbisika. Na hivyo humuabudu kpwa njira imuhamirayo, kpwa unyenyekevu na ishima.

Luka 4:36

Atu osi aangalala na achibisha enye kpwa enye, achiamba, “Ni mafundzo ga viphi gano? Kpwa mana anademurira pepho kpwa uwezo na nguvu nao anatuluka!”

Mathayo 14:32

Ariphogomba vivyo, iye na Petero ainjira mo dauni, na rira phuto richihurira.

Malaki 2:5

Chilagane changu nao kala ni chilagane cha uzima na amani. Nami higo náapha ili aniishimu. Phahi nao achiniishimu chikpweli-kpweli na achiogopha dzina rangu.

Mariko 7:37

Atu aangalala sana, achiamba, “Mambo achigohenda ni manono sana, mana akahenda asioweza kusikira asikire, na mabwibwi agombe!”

Mariko 4:40

Alafu Jesu achiauza anafundzie, “Mnaogophani? Dze tamnikuluphira?”

Mariko 5:1

Phahi Jesu na anafundzie avuka Ziya ra Galilaya achifika tsi ya Agerasi.