Mariko 13:19 - Digo Bible

¹⁹ Mana wakati hinyo kundakala na tabu kulu ambazo tazidzangbwekalako kula Mlungu aumbe dunia hadi rero, wala tazindahendeka tsona.

Mariko 13:19 Referans Kwoze

Danieli 12:1

Ye malaika yevwala katani waenderera kuamba, “Wakati uho Mikaeli, malaika mkpwulu arindaye atu a Iziraeli andatsembuka. Alafu kundakala na wakati wa mashaka mai ambago tagadzangbweoneka hangu mataifa ganjina gaumbwe. Ela wakati uho chila mutuo ambaye dzinare raandikpwa kpwenye chitabu cha uzima, andativywa.

Joeli 2:2

Siku iyo ni siku ya jiza na vurungu-vurungu, indakala siku ya maingu na chilungulungu cha jiza. Gafula jeshi kulu ra ndzije rindabwiningiza myango. Jeshi kulu chisha ra nguvu, ambaro taridzangbweoneka hangu kare wala takundakala na jeshi dza hiro tsona hata kare na kare.

Mathayo 24:21

Mana wakati hinyo kundakala na tabu kulu ambazo tazidzangbwekala kula mwandzo wa dunia hadi rero, wala tazindahendeka tsona.

Danieli 9:26

Bada ya yo miaka mirongo sita na miiri kano sabaa, iye mpakpwa mafuha andaolagbwa. Nyo atu a iye mkpwulu ndiyekpwedzatawala andabomola nyo mudzi na pho phatu phatakatifu na taphandasala chochosi. Mwisho undakpwedza na mafuriko na kundakala na viha na maangamizi dza irivyopangbwa.

Mariko 10:6

Ela hangu dunia iumbwe, ‘Mlungu waumba mlume na mchetu.’

Danieli 9:12

Uwe wahuhendera gara maneno urigogomba chinyume chehu na chinyume cha atawala ehu. Nako takudzangbwehendeka mashaka makulu dza garigohendeka Jerusalemu.

Sonono za Jeremia 2:13

Nigombeni kukuhusu? Nikulinganishe na chitu chani, uwe mwana mchetu wa Jerusalemu? Nikulinganishe na utu wani, ili niweze kukuphoza marenda, we mwanamwali, mwana mchetu wa Sayuni? Mana chirondacho china chivwa dza cha bahari. Ni ani awezaye kukuphoza?

Kumbukumbu 28:59

phahi, Mwenyezi Mlungu andakurehera uwe na chivyazicho mapigo ga kutisha na makongo mai gasigophola.

Kumbukumbu 4:32

“Vivi uzani kuhusu garigohendeka hipho kare kabila tamdzangbwevyalwa, hangu siku hira Mlungu ariphoumba mutu duniani. Uzani duniani kosi, kula pembe hadi pembe napho dzambo ra ajabu dza hiro rawahi kuhendeka au kusikirika!

Sonono za Jeremia 4:6

Atu angu akatiywa adabu kulu kuriko adabu iriyophaha atu a Sodoma, mudzi ambao wapendulwa gafula, taphayakala na mutu wa kuaterya.

Sonono za Jeremia 1:12

“Kale tamuona kusononeka kpwangu mwi mosi mtsupao? Lolani na muone ichikala kuna mwenye sonono dza sonono yangu ambayo Mwenyezi Mlungu wanirehera, ariphonigayisa yo siku ya tsukizize nyinji.

Mariko 13:18

Tsona voyani Mlungu ili mambo higa gasikale minga ya mnyevu.

Mariko 13:20

Ela Mlungu wapanga kare kuphunguza siku za mateso kpwa ajili ya atu arioatsambula. Kala Mlungu kahendere hivyo, takungesala mutu.”

Maono 7:14

Nami nchimuamba, “Bwana uwe ndiwe umanyaye.” Naye achiniamba, “Hano ni atu ambao ashinda gara mateso makulu. Afula kandzu zao na mlatso wa yuya Mwana ngʼondzi, na zichikala nyereru tsetsetse.