Mariko 10:34 - Digo Bible

³⁴ Nao andanizemerera, andanitehera mahe, andanichapa viboko na kuniolaga. Ela bada ya siku tahu nindafufuka.”

Mariko 10:34 Referans Kwoze

Mariko 14:65

Phahi anjina aandza kumtehera mahe, achimfunga chigungu, achimuudula makonde kuno anamuuza, “Huambire ni ani achiyekupiga.” Nao arindzi amuhala na achimuwanga makofi.

Mathayo 26:67

Alafu amtehera mahe ga uso kuno anampiga, na anjina achimuwanga makofi,

Mathayo 16:21

Kula wakati hinyo Jesu waandza kubisha na anafundzie chingʼangʼa, achiamba, “Ni lazima niphiye Jerusalemu ili nikateswe ni vilongozi a Chiyahudi, na akulu a alavyadzi-sadaka, na alimu a Shariya na niolagbwe ela siku ya hahu nindafufulwa.”

1 Akorintho 15:4

Tsona wazikpwa na siku ya hahu achifufulwa, kama Maandiko ganavyoamba.

Johana 2:10

achendamuamba, “Kawaida mutu nkuandza kulavya uchi mnono hata atu achikolwa, ndipho akalavya uchi mui. Ela uwe unalavya uchi mnono mwisho-mwisho!”

Johana 1:17

Mlungu walavya Shariya na Musa, ela waonyesa mbazi na kpweliye kpwa gara arigohenda Jesu Masihi.

Luka 23:11

Alafu Herode na asikarie amʼbera Jesu na achimnyetera. Achimvwika kandzu nono sana na achimuuyiza kpwa Pilato.

Mariko 14:63

Hipho mlavyadzi-sadaka mkpwulu wakpwanyula nguwoze, na achiamba, “Kuna haja yani ya mashaidi zaidi?

Isaya 53:3

Waberwa na achiremewa ni atu, mutu wa sonono nyinji na amanyaye kugaya ni utu wani. Atu taalondere kumuona, waberwa na tahumuonere dza chitu.

Isaya 50:6

Aho ariokala ananipiga naarichira mongomongo, na aho ariokala anamwafula nyere za cheru nchiarichira mafunda. Siyaafwitsira uso wangu ariokala ananifyorera na kunitehera mahe.

Zaburi 16:10

Kundaniricha kahi ya ariofwa, wala kuricha mtumishio muaminifu aole mbirani.

Hosea 6:2

Bada ya siku mbiri andahuuyiza hurivyokala siku ya hahu andahuunula, ili husagale mbereze.

Zaburi 22:13

Maadui gangu gakafwenula kanwa zao chinyume changu, dza simba angurumao wakati anamwamula-mwamula nyama.

Ayubu 30:10

Ananibera na kudzitenga kure nami, achiniona taaricha kunitehera mahe.

Mathayo 27:63

achendamuamba, “Muishimiwa, hunatambukira kukala yuya wa handzo kabila ya kufwa waamba, ‘Bada ya siku tahu nindafufuka.’

Mariko 9:31

kpwa mana kala anafundza anafundzie. Wagomba achiamba, “Wakati ukafika mimi, Mutu Yela Mlunguni, niyalaviwa kpwa anadamu ambao andaniolaga. Ela siku ya hahu bada ya kuolagbwa, ndafufuka.”