Maono 18:20 - Digo Bible

²⁰ Hererwani mwimwi muishio ko mlunguni, atu a Mlungu, mitume na manabii, mana Mlungu akauamula hinyo mudzi kpwa sababu yenu.

Maono 18:20 Referans Kwoze

Maono 6:10

Phahi hizo roho zakota kululu zichiamba, “Bwana wa uwezo wosi, uriye wa haki na wa kpweli, mbona unakaa? Undaamula rini atu a dunia na kuariphiza kpwa kuhuolaga?”

Maono 12:12

Kpwa hivyo hererwani, mwimwi mosi muishio hiko dzulu mlunguni! Ela shaka hiro dunia na bahari mana Shetani akatsuphiwa kuko tsini mriko. Vivi akatsukirwa sana, sababu akamanya kukala sikuze chizosala ni chache.”

Isaya 26:21

Kpwa mana, Mwenyezi Mlungu aredza kula phatuphe ili aatiye adabu asagalao duniani kpwa sababu ya uyi wao. Tsi nayo indaatuluza atu osi arioolagbwa, na taindaafwitsa tsona.

Juda 1:17

Ela asena angu tambukirani gara mrigoambirwa ni mitume a Bwana wehu Jesu Masihi.

2 Petero 3:2

Tambukirani maneno ga manabii matakatifu na malagizo ga Bwana na Muokoli wehu, mrigophokera kula kpwa mitumee.

Aefeso 4:11

Naye ndiye ariyeapha atu vipawa. Anjina waatsambula akale mitume, anjina manabii, na anjina ahubiri. Chisha anjina nao achiatsambula akale achungaji na alimu a atu a Mlungu.

Aefeso 2:20

Hu dza mawe gadzengerwago dzengo dziphya ni mitume na manabii. Na hiro dzengo rinadzengbwa dzulu ya dziwe kulu ra msingi, ambaro ni Masihi Jesu mwenye.

Isaya 49:13

Ko dzulu mlunguni na kuimbe na raha, tsi naihererwe na myango yiimbe. Mana Mwenyezi Mlungu akaaphoza marenda atue, na andaaonera mbazi atue ariogayiswa.

Misemo 11:10

Enye haki achiongokerwa, mudzi wosi nkusherekeya, na mutu mui afwapho mudzi nkuhererwa.

Zaburi 94:1

Ee Mwenyezi Mlungu, uwe Mlungu uriphizaye chisasi, uwe Mlungu uriphizaye chisasi, dzimanyise chingʼangʼa!

Zaburi 58:10

Atu a haki andahererwa achiona ayi anatiywa adabu, nyayo zao zindavyoga-vyoga iyo milatso ya atu ayi.

Aefeso 3:5

Hangu kare Mlungu waika mpangowe siri, wala takuna yeyesi yeumanya. Ela badaye wahumira Rohowe kumanyisa mitumee na manabiige matakatifu.

Isaya 44:23

Imbani kpwa kuhererwa mwi murio mlunguni, mana Mwenyezi Mlungu ndiye achiyehenda vivyo. Pigani kululu mwi vivwa vya dunia, imbani mwi myango, imba uwe tsaka na chila muhi uriomumo, mana Mwenyezi Mlungu akamkombola Jakobo, naye andadzipha nguma kahi za Iziraeli.”

Zaburi 109:28

Ariche alani ela we unajaliya! Ariche aviha angu aphahe waibu, mtumishio naahererwe!

Zaburi 107:42

Atu anaohenda garigo sawa anaona na kuhamirwa ela atu ayi osi andahendwa anyamale.

Zaburi 48:11

Atu a Sayuni naahamirwe! Atu a Juda naahererwe kpwa sababu ya uamulio wa haki!

Zaburi 18:47

Iye ndiye Mlungu aniriphiziraye chisasi, na kuika mataifa gakale tsini yangu,

Aamuli 5:31

Ee Mwenyezi Mlungu, maaduigo gosi nagaangamike dza vivyo vya Sisera! Ela asenao naangʼale dza dzuwa, wakati rinaphotuluka na mwanga mkpwulu!” Nayo tsi ichikala na amani kpwa muda wa miaka mirongo mine.

Kumbukumbu 32:42

Mivi yangu ndairevya na milatso, upanga wangu undarya nyama, milatso ya ariofwa na nyo ariohalwa zewe kula kpwa maadui sujaa a viha.

Zefania 3:15

Mwenyezi Mlungu akausa hukumu chinyume chenu, chisha akaatsamula aviha enu. Mwenyezi Mlungu, mfalume wa Iziraeli, a kahi yenu msiogophe mai tsona.

Maono 18:6

Vivyo arivyoahendera anjina, namwi muhendereni vivyo. Tsona naahenderwe kano mbiri ya gara mai arigoahendera anjina. Halani cho chikombeche mumtiire kano mbiri ya nyo ukali ariokutiyani.