Maono 17:2 - Digo Bible

² Afalume a dunia azinga naye, na atu a dunia nao akala akaayuswa ni nyo udiyawe dza mutu achiyelewa uchi.”

Maono 17:2 Referans Kwoze

Maono 14:8

Chisha phakpwedza malaika wa phiri yelungana na wa kpwandza. Achiamba, “Mudzi mkpwulu wa Babeli ukagbwa tse! Mudzi uriohenda atu a makabila ganjina gosi duniani anwe chikombe cha uchi mufu wa udiyawe, ukagbwa.”

Maono 18:3

Mana atu a mataifa ganjina gosi anwa uchi mufu wa tamaa za udiyawe, na afalume a dunia akala akazinga naye. Na ahendadzi-bishara hipha duniani atajirika kpwa tamaaze mbii zisizo na miphaka.”

Jeremia 51:7

Babeli kala ni chikombe cha zahabu mkpwononi mwa Mwenyezi Mlungu, chohenda atu a dunia alewe. Mataifa ganjina ganwa uchiwe wa zabibu, kpwa hivyo gachigbwirwa ni koma.

Maono 18:9

Na aho afalume a dunia ariozinga naye na kushiriki utajiriwe, andarira na kuusononekera nyo mudzi ndiphoona unafuka mosi.

Maono 18:23

Phapho taphandaaka taa tsona. Wala takundakala na sharee za bwana arusi wala bibi arusi, yani takundalólwana tsona bii. Mudzi wa Babeli undahendwa hivi kpwa kukala ahendadzi-bishara himo akala atu akulu na ayi a dunia. Na sababu ya atu hinyo kukala matajiri ni sababu mataifa ganjina gosi gachengbwa ni utsai wa nyo mudzi.

Maono 17:17

Mlungu mwenye ndiye ariyeahenda akale na lengo mwenga ra kupha ro dzinyama uwezo wao wa kutawala ariokala nao. Aho andahenda hivyo hadi gara Mlungu arigogomba gatimiye.

Maono 3:10

Sambi kpwa vira mwavumirira kama nrivyokulagizani, wakati wa mashaka ndigoreherwa kupima atu dunia ndzima, mino nindakurindani.

Maono 17:13

Nyo afalume kumi andakala na lengo mwenga, ra kupha ro dzinyama vyeo vyao na uwezo wao wosi.

Nahumu 3:4

Gaga gosi gandakala mana uwe Ninawi ukakala malaya. Ukavutiya atu kpwa utsaio ukahenda atu a mataifa ganjina kukala atumwa kpwa umalayao na utsaio.

Johana 2:10

achendamuamba, “Kawaida mutu nkuandza kulavya uchi mnono hata atu achikolwa, ndipho akalavya uchi mui. Ela uwe unalavya uchi mnono mwisho-mwisho!”

Maono 2:22

Kpwa hivyo nindamtiya mashaka ambago gandamuika chitandani. Na atu osi ambao anahenda naye udiya nindaagayisa sana isiphokala ariche kuhenda mahendoge mai.

Maono 9:21

Tsona taayatubu akaricha kuolagana, taayaricha utsai, kuricha udiya wala wivi.

Maono 17:5

Na phakpwe chilanguni kala phakaandikpwa dzina ambaro manage kala ikafwitsika. Dzina renye ni hiri: Mudzi Mkpwulu wa Babeli Mayo wa Adiya Osi na wa Vitu Vikolo hipha Duniani.

Maono 17:8

Ro dzinyama uchiroriona kala rinaishi ela vivi rafwa. Vivi ro dzinyama ri phephi na kutuluka kula kuzimu, ela Mlungu andariangamiza. Na atu osi duniani ambao madzina gao tagayaandikpwa ndani ya chitabu cha uzima kabila ya kuumbwa dunia, andaangalala kuona ro dzinyama mana rakalako, vivi taripho ela rindauya.