Maono 14:20 - Digo Bible

²⁰ Zabibu zizo zaminywa phatu phokala kondze ya nyo mudzi mkpwulu. Zabibu ziriphokala zinaminywa zatuluka milatso, na milatso iyo ichikala muho ambao urewe kala ni kilomita magana mahahu na uchikala na china cha mita mwenga na nusu.

Maono 14:20 Referans Kwoze

Sonono za Jeremia 1:15

Mwenyezi Mlungu waarema masujaa osi ariokala kahi yangu, waiha mkpwutano chinyume changu ili aapige ahana angu. Mwenyezi Mlungu akamvyoga-vyoga ye mwanamwali, mwana mchetu wa Juda, dza zabibu zivyogbwavyo.

Maono 11:8

Na hizo nyufu zao zindarichwa barabara ya mudzi mkpwulu, ambako Bwana wao wakotwa misumari msalabani. Na mudzi hinyo kpwa chiroho ni dza mudzi wa Sodoma na tsi ya Misiri.

Isaya 66:24

Nao andatuluka kondze, kpwendalola nyufu za atu arioasi, nazo zindakala zinariwa ni mabulu chila wakati na kuochwa ni moho ambao taufwa bii. Andakala ni utu wa kutsukiza kpwa atu osi.”

Mwandzo 49:11

Uwe undafunga pundao mzabibuni na mwana pundao kpwenye mzabibu mnono sana, undafula nguwozo na uchi wa zabibu uchi wa kundu dza mlatso.

Kumbukumbu 32:14

Mlungu waapha siagi na maziya kula kpwa mbuzi na mangʼondzi, marunya ga ana ngʼondzi na maturume, na mbuzi kula Bashani. Waapha mtsere nono kabisa na achinwa uchi mnono wa zabibu.

Ezekieli 32:6

Ndaihenda yo tsi hata ko myangoni ilwame milatsoyo ijerayo, na myuho indaodzala milatsoyo.

Joeli 3:13

Haya, akateni-kateni dza mutu atsengaye nganu. Avyogeni-vyogeni dza mutu aminyaye zabibu, mana pho phatu pha kuminyira phaodzala hata phanafurika mana uyi wao ni munji sana.