Maono 11:10 - Digo Bible

¹⁰ Kpwa sababu ya aho mashaidi kufwa, atu osi duniani andahererwa na ahende karamu na kuphana zawadi. Andahenda hivi mana hara mashaidi ayuga sana atu asiomkuluphira Mlungu himu duniani.

Maono 11:10 Referans Kwoze

1 Afalume 18:17

Ahabu ariphomuona Elija, wauza, “Dze! Ni uwe ugayisaye Aiziraeli?”

Maono 3:10

Sambi kpwa vira mwavumirira kama nrivyokulagizani, wakati wa mashaka ndigoreherwa kupima atu dunia ndzima, mino nindakurindani.

Mahendo 5:33

Hara atumia a ngambi ariphosikira vira, atsukirwa sana hata achitaka hara mitume aolagbwe.

Johana 7:7

Atu a dunia taana sababu ya kukureyerani mwimwi, ela mimi ananireyera kpwa vira naambira wazi kukala mahendo gao ni mai.

Mathayo 10:22

Atu osi andakuzirani kpwa sababu yangu. Ela ndiyevumirira hadi mwisho andaokolwa.

Mika 7:8

Usihererwe uwe adui wangu! Dzagbwe nkagbwa ndaunuka tsona, dzagbwe nsegere jizani, Mwenyezi Mlungu andakala mwanga wangu.

1 Afalume 22:8

Naye mfalume wa Iziraeli achimjibu Jehoshafati achimuamba, “Phasere mutu mmwenga, Mikaya mwana wa Imula, ambaye hunaweza kumuuza Mwenyezi Mlungu, ela mino nammena, mana kanitabiriya manono ela mai.” Naye Jehoshafati achijibu achiamba, “Hata, mfalume na asiambe hivyo.”

Maono 13:14

Na kpwa vira rahewa uwezo wa kuhenda vilinje kpwa ajili ya rira dzinyama ra kpwandza, rachenga atu osi aishio duniani. Raambira atu atsonge chizuka kpwa kuishimu rira dzinyama ra kpwandza rolumizwa na upanga, ela richienderera kuishi.

Maono 13:8

Atu osi dunia ndzima andaabudu ro dzinyama, yani osi ambao madzina gao tagayaandikpwa chitabu cha uzima kabila ya dunia kuumbwa. Chitabu hicho kala ni cha ye Mwana ngʼondzi ariyeolagbwa.

1 Akorintho 13:6

Mendzwa taihamirwa ni mambo mai, ela nkuhamirwa ni ukpweli.

Johana 16:20

Nakuambirani kpweli, mundarira na kusononeka ela atu a himu duniani andahererwa. Mundakala na sonono ela sonono yenu indagaluka raha.

Jeremia 38:4

Chisha vilongozi achimuamba mfalume, “Mutu yuyu naaolagbwe kpwa kuvundza mioyo ya nyo anajeshi ariosala mu mudzini na nyo atu kpwa go agombago. Mana mutu yuyu kaavoyera atu aha manono ela anaavoyera mai.”

Misemo 24:17

Mvihao achifikpwa ni mai usihererwe, wala achikpwala usimtseke.

Zaburi 89:42

Ukaapha ushindi avihae, ukahenda maaduige gosi gahererwe.

Zaburi 13:4

Sedze maadui gangu gakaamba, “Hukamturya,” na aviha angu akahererwa kpwa sababu nkashindwa.

1 Afalume 22:18

Ndipho mfalume wa Iziraeli achimuambira Jehoshafati, “Dze, sikakuambira mino kukala Mikaya kandanitabiriya manono ela mai?”

1 Afalume 21:20

Phahi, Ahabu ariphomuona Elija, waamba, “Lo! Hata ukaniphaha uwe mviha wangu!” Elija wamjibu achiamba, “Ee nkakuphaha kpwa mana ukadzisalata mwenye kpwa kuhenda mai mbere za Mwenyezi Mlungu.

Maono 16:10

Malaika wa tsano naye wakpwendamwaga tsukizi za Mlungu zokala mwakpwe ligani phenye chihi cha chifalume cha rira dzinyama. Mara mwenga jiza richibwiningiza ufalume wa rira dzinyama na atu achigbwa photsi na kugala-gala kpwa utsungu.

Maono 12:13

Ro dzoka ririphoona rikatsuphiwa duniani, ramuindza yuya mchetu yekala akadzivugula mwana wa chilume.

Obadiya 1:12

Msingeonato wakati ndugu zenu kala a mashakani. Msingehererwa wakati mudzi wao unaangamizwa. Mwahenda makosa kpwa kutseka ndugu zenu siku ya mashaka gao.

Jeremia 50:11

Dzagbwe munafwahirwa na kuhererwa, mwi muhalao vitu vya atu angu zewe, dzagbwe munatona dza ndama ichiyoona nyasi, na kurira dza farasi mwenye mkpwotse.

Zaburi 35:19

Usiriche nkafyorerwa ni aho ario na uadui nami bila ya chausa. Usiriche achionimena bila chausa akafwahirwa.