Malaki 3:15 - Digo Bible

¹⁵ Sambi inaonekana kukala atu asiojali akabarikiwa. Atu ayi anaongokerwa na hata anaomjeza Mlungu, taahendeka rorosi.’”

Malaki 3:15 Referans Kwoze

Malaki 4:1

Mwenyezi Mlungu, Mlungu wa majeshi anaamba, “Lola, siku iredza nayo indaaka dza moho mkali. Siku iyo atu asiojali na ayi osi andaochwa dza mibuwa mifu. Andaphya tsetsetse dza mihi iphyavyo na moho mkali isisale hata muzi wala panda.

Malaki 2:17

“Mkamremweza Mwenyezi Mlungu na higo maneno genu. Ela mwi munauza, ‘Ni maneno gani huchigomremweza nago?’ Mkamremweza kpwa kuamba, ‘Mwenyezi Mlungu anamendza ahendi a mai osi tsona anamuhamira.’ Au kpwa kuuza, ‘Ye Mlungu ahendaye haki a kuphi.’”

1 Petero 5:5

Namwi munaolongozwa, aogopheni vilongozi enu. Na mosi avyere na adide kalani atu a pole na a kuhumikira ayawenu, mana Maandiko ganaamba: “Mlungu anapinga anaodzikarya, na kuaonera mbazi a pole.”

Aeburania 3:9

Mana hiko anijeza na kunipima, hata dzagbwe aona nrivyoahenda kpwa miaka mirongo mine.

Mahendo 12:21

Alafu kpwatsambulwa siku, Herode achivwala kandzuye ya chifalume, achisagala chihiche cha chifalume, na achilavya hutuba kpwa atu a Tiro na Sidoni.

Mahendo 5:9

Ndipho Petero achiamba, “Mbona mwahenda njama na mlumeo kumpima Roho Mtakatifu? Sikiza! Hara achiozika mlumeo a pho mryangoni, na andakutsukula kondze piya uwe.”

Danieli 6:16

“Ndipho mfalume achilagiza Danieli arehwe, na achitsuphiwa ndani ya dibwa ra simba. Mfalume achimuamba Danieli, ‘Ye Mlungu umuhumikiraye siku zosi naakutivye!’ ”

Danieli 4:37

Vivi mimi Nebukadineza namtogola, namuunula na kumuishimu mfalume wa mlunguni, mana kazize zi sawa na njiraze ni za haki, na nyo adziunulao iye anaweza kuatsereza.

Danieli 4:30

iye waamba, “Uno si mudzi mkpwulu wa Babeli, ambao naudzenga kpwa nguvu zangu kpwa ajili ya nguma yangu ili ukale makalo gangu ga chifalume?”

Jeremia 7:10

na badaye mkpwedza mkaima mbere zangu kpwenye nyumba ihi, yiihwayo na dzina rangu, na kudziamba kukala mu salama! Ela mchereenderera kuhenda mambo ga kutsukiza.

Misemo 12:12

Atu ayi nkuaza nyara za atu ayi, ela enye haki nkukala imara na akavyala matunda.

Zaburi 106:14

Achikala na kpwiru ajabu kura jangbwani achimjeza Mlungu kuko weruni.

Zaburi 95:9

Mana hiko anijeza na kunipima, hata dzagbwe aona nrivyoahenda.

Zaburi 78:56

Ela phamwenga na vivyo, aho amjeza na achimuasi Mlungu Ariye Dzulu Kuriko Vyosi na taayalunga malagizoge.

Zaburi 78:41

Amjeza Mlungu kano kpwa kano achimchokoza Mtakatifu wa Iziraeli.

Zaburi 78:18

Amjeza Mlungu kusudi kpwa kuvoya chakurya arichokala na kpwiru nacho.

Zaburi 73:12

Sambi hivi ndivyo arivyo atu ayi ana chila alondacho na anaenderera kuphaha zaidi.

Zaburi 49:18

Dzagbwe wakati anaishi nkudziharira kukala ana baha, na kulikpwa ni atu, wakati anaphoongokerwa.

Zaburi 10:3

Atu ayi anadzilika kpwa mambo mai anagopanga kugahenda aroho analani na kumrema Mwenyezi Mlungu.

Ayubu 22:23

Uchimuuyira ye Mwenye Nguvu Zosi, uchigbwa maguluni, na kuusa gasigokala ga haki kure na hemaro,

Ayubu 21:30

kukala atu ayi andarichwa wakati wa mafwa na kutivywa siku ya tsukizi za Mlungu.

Ayubu 12:6

Makalo ga anyangʼanyi gana amani, na nyo amchokozao Mlungu a salama, aho atsukulao mlungu wao mwao mikononi.

Esta 5:10

Ela wavumirira achiphiya kpwakpwe kaya. Ariphofika hiko achiaiha asenae phamwenga na mchewe Zereshi.

1 Akorintho 10:9

Wala husimjeze Mlungu dza akare ehu anjina arivyohenda, nao achiolagbwa ni nyoka.

Zaburi 58:2

Hata, mioyo yenu inapanga mai, mikono yenu inahenda fujo duniani.

Zaburi 141:4

Usiriche moyo wangu ukaaza mai sedze nikahenda mambo mai, phamwenga na atu ahendao mai, wala kurya vyakurya vya sharee zao.

Muhubiri 8:14

Kuna chitu chanjina ambacho tachina mana phapha duniani nacho ni hichi: atu a haki kuhenderwa dza atu ayi afwahavyo kuhenderwa, na atu ayi kuhenderwa dza atu a haki afwahavyo kuhenderwa. Nami nchiamba kukala gago nago tagaeleweka.

Isaya 2:22

Usimkuluphire mwanadamu, ambaye si chochosi dza pumuzi. Vino mwanadamu andakuterya na utu wani?

Ayubu 1:22

Kahi ya mambo gosi higo Ayubu kahendere dambi, mana kayamlaumu Mlungu.

Zaburi 73:3

Mana kala naaonera wivu hinyo anaodzikarya niriphoona atu ayi anaongokerwa.