Malaki 3:11 - Digo Bible

¹¹ Mwenyezi Mlungu, Mlungu wa majeshi anaamba, “Nindaademurira adudu aryao mimea yenu ili asibanange mavuno ga minda yenu na mizabibu iriyo mwenu mindani taindakosa kuvyala.”

Malaki 3:11 Referans Kwoze

Kumbukumbu 11:14

iye andaipha tsi yenu mvula kpwa wakatiwe, mvula za mwaka na mvula za vuri namwi mundavuna nganu yenu, uchi wa zabibu zenu na mafuha genu.

Joeli 2:22

Mwi nyama a tsakani, msiogophe, mana hiko weruni kundakala tele nyasi mbitsi. Mihi inavyala matunda mizabibu na mitini inavyala kpwa unji tsona.

Zakariya 8:12

‘Mana atu andaphanda kpwa amani, mizabibu indavyala matundage, tsi indalavya mavuno na mlunguni kundalavya manena. Nindaapha atu aha ariosala vitu hivi vyosi vikale vyao.

Joeli 2:20

Jeshi ra kula uphande wa vurini ndariusa rikale kure namwi na kurizola hadi jangbwani, tsi isiyomera chitu. Vikosi vya mbere vya ro jeshi ndaviinjiza bahari ya uphande wa mlairo wa dzuwa na hivyo vya nyuma ndaviinjiza bahari ya uphande wa mtswerero wa dzuwa. Nao andafwa kuko na kungu ya kuola kpwao mundaisikira. Mwenyezi Mlungu anahenda mambo makulu.

Joeli 1:4

Mimea iriyosazwa ni ipho ra ndzije yariwa ni ndzije akulu, iriyosazwa ni ndzije akulu ichiriwa ni ndzije adide, iriyosazwa ni ndzije adide ichimarigizwa ni fumbiri.

Hagai 2:17

Mwenyezi Mlungu anaamba, “Kazi zosi za mikono yenu názibananga kpwa phuto ra dzoho kali, madzi-madzi ganagohendesa chitu chihende koga na mvula ya mawe, ela tamuyaniuyira vivyo.

Amosi 4:9

“Nami nárehera mimea yenu makongo nayo ichiuma, chisha nchireha ndzije achirya minda yenu ya mizabibu, mitini yenu na mizaituni yenu, ela tamuyaniuyira vivyo,” Mwenyezi Mlungu anaamba.

Habakuki 3:17

Dzagbwe mitini taitsephula, na mizabibu taina matunda, dzagbwe mizaituni taivyarire na minda taina mavuno, dzagbwe vyaa tavina mangʼondzi wala tavina ngʼombe.

Joeli 1:12

Mizabibu ikauma mitini nayo ikanyala. Mikomamanga, mitende na mitofaa yani mihi yosi ya mundani yasira kuuma. Nao atu taana raha tsona.

Jeremia 8:13

Nindagausa mavuno gao, mimi Mwenyezi Mlungu nkaamba, yo mizabibu na mitini taindakala na chitu na makodzage gandanyala. Kpwa hivyo, nikaruhusu atu kula kondze kuhala yo tsi.’ ”

Joeli 1:7

Akarya mizabibu yangu na kubananga mitini yangu. Akaiguguna hadi magopha na pandaze akaziricha wekee.

Hosea 2:21

Mwenyezi Mlungu anaamba, “Siku iyo mlunguni kundajibu kpwa kuipha maingu ga mvula, nako mlunguni kundaijibu tsi kpwa kuirehera mvula.

Joeli 2:25

Nami nindakuuyizirani miaka yosi iriyoriwa ni ndzije angu anji nrioahuma kpwedzarya mimea yenu: yariwa ni maipho ga ndzije akulu na ndzije adide, na ipho ra ndzije anjina na fumbiri.

Hagai 1:11

Nikareha dzuwa riumise tsi na myango ili minda yenu isivyale chochosi na kazi zosi zihendwazo ni anadamu zisikale. Dzuwa hiro rindaocha mimea ya nafaka isivyale nafaka, mizabibu isituluze uchi wenu muphya wa zabibu na mizaituni isituluze mafuha. Dzuwa hiro rindahenda anadamu na nyama agaye.”