Malaki 1:3 - Digo Bible

³ ela Esau námzira. Iyo myango anayosagala, ambayo ndiyo urisiwe, náibananga na kuihenda makalo ga mabawa a weruni.”

Malaki 1:3 Referans Kwoze

Obadiya 1:10

Kpwa sababu ya uyi muriohendera ndugu zenu ana a Jakobo mundaaibishwa; na mʼbanangbwe hata kare na kare.

Joeli 3:19

Misiri indakala gandzo na Edomu indakala jangbwa huphu, kpwa sababu atu aho aahendera mai atu a Juda, mana aolaga atu a asiokala na makosa kpwenye tsi yao.

Ezekieli 36:9

Mana mimi ni uphande wenu, nami ndakupendeleya nawe undarimwa na kuphandwa mbeyu.

Ezekieli 36:7

Phahi Mwenyezi Mlungu anaamba hivi: Ninaapa kukala go mataifa ganjina ganagokuzungulukani nago gandalaphizwa.

Jeremia 51:37

Babeli indakala gandzo, makalo ga makala, utu wa kuangalaza na wa kuberwa, phatu phasiphosagala mutu.

Jeremia 49:10

Ela nkaricha atu a chivyazi cha Esau chihuphu, nikafwenula mwatu mwao mwa kudzifwitsa, nao taaweza kudzifwitsa tsona. Aho akaangamizwa phamwenga na ndugu zao na majirani gao tsi yao taindakalako tsona.

Jeremia 9:11

Nindahenda Jerusalemu ikale tsumbi ya dzala na pango ra makala, tsona ndahenda midzi ya Juda iangamizwe hata kusisagale mutu.

Isaya 35:7

Tsi ichiyokola dzuwa indakala ziya ra madzi, mtsanga uchiouma kpwa kukosa mvula undagota vidzuho vya madzi. Hiko kusagalako diya-mbewa magugu manji gandamera.

Luka 14:26

“Mutu yeyesi achitaka kukala mfuasi wangu, ni lazima animendze kuriko ise na nine, nduguze, mchewe na anae, na hata maishage mwenye.

Mwandzo 25:23

Mwenyezi Mlungu achimuamba, “Una chandzo cha makundi mairi ga atu mo mwako ndanini, higo makundi mairi ndigovyala tagandagbwirana. Kundi mwenga rindakala na nguvu kuriko ranjina, mvyere andamuhumikira mdide.”

Jeremia 49:8

Galukani mchimbire, mwi msagalao Dedani, mkadzifwitse pangani! Nindarehera mashaka atu a chivyazi cha Esau mana wakati wa kuatiya adabu ukafika.

Jeremia 49:20

Kpwa hivyo phundza vira mimi Mwenyezi Mlungu nchivyopangira Edomu na nchivyopanga kuahendera atu asagalao Temani. Hata nyo ana a yo mifugo andagurutwa, iye andabananga marisa kpwa sababu yao.

Jeremia 49:33

Hazori indakala makalo ga makala, gandzo ra kare na kare, Taphana mutu ndiyeishi kuko, taphana mutu ndiye sagala mumo.”

Sonono za Jeremia 4:22

We mwana mchetu wa Sayuni, kutiywako adabu kukasira kandakuricha ko urikotsamizwa kpwa lazima kpwa muda mure. Ela uwe mwana mchetu wa Edomu, dambizo zindafwenulwa, na utiywe adabu.

Jeremia 49:7

Ela kuhusu Edomu, Mwenyezi Mlungu, Mlungu wa majeshi anaamba, “Dze takuna ikima ko Temani? Dze, nyo enye ikima akaangamikpwa ni ushauri? Dze, ikima ikaaukira tsetsetse?