Mahendo 5:3 - Digo Bible

³ Phahi Petero wamuamba Anania, “Mbona ukakubali Shetani akatawala rohoyo hata unamchenga Roho Mtakatifu kpwa kufwitsa pesa zanjina urizophaha uriphoguza munda?

Mahendo 5:3 Referans Kwoze

Jeremia 23:24

Dze, mutu anaweza kudzifwitsa hata nsimuone? Dze, sigotere ko mlunguni na duniani? Mimi Mwenyezi Mlungu nkaamba.

Isaya 29:15

Shauri yao hinyo amfwitsao Mwenyezi Mlungu mipango yao. Hinyo ahendao mambo gao chisiri-siri na kudziamba mwao mioyoni, “Taphana ahuonaye, tsona taphana mutu ndiyehumanya.”

1 Petero 5:8

Dzimanyirireni, tsona mkale matso wakati wosi. Mana Shetani, ambaye ni adui wenu, anaendza mutu amuolage chiroho, dza simba angurumaye na ndzala achiendza mutu amurye.

Mahendo 5:9

Ndipho Petero achiamba, “Mbona mwahenda njama na mlumeo kumpima Roho Mtakatifu? Sikiza! Hara achiozika mlumeo a pho mryangoni, na andakutsukula kondze piya uwe.”

Johana 13:27

Juda ariphohala hura mkpwahe, Shetani wamuinjira. Naye Jesu achimuamba, “Hiro ulondaro kurihenda, rihende mara mwenga.”

Johana 13:2

Kuriphofika dziloni, Jesu na anafundzie kala asegere anarya. Shetani kala akamupha Juda, mwana wa Simoni Isikarioti, maazo ga kumsalata Jesu.

Jakobo 4:7

Phahi, dzilavyeni kpwa Mlungu. Mpingeni Shetani naye andakuchimbirani.

Muhubiri 5:4

Uchiika naziri kpwa Mlungu, usikae kuiusa. Mana Mlungu kahamirwa ni azuzu. Yo naziri uriyoika iuse.

Ayubu 22:13

Ela we ukuamba, ‘Mlungu anamanya utu wani? Dze, anaweza kuamula kahi ya chilungulungu cha jiza?

Mahendo 5:4

Hinyo munda uriphokala kudzangbweuguza kala ni wako, na uriphouguza, hizo pesa piya kala ni zako. Sambi, yakaladze hata uchiona uhende dzambo dza hiri? Phahi, kunchengere mimi binadamu myao, ela ukamchenga Mlungu.”

Mahendo 5:2

Anania na mchewe akubaliana na achifwitsa pesa zanjina na zosala achiziphirikira mitume.

Luka 22:3

Phahi, Shetani wamuinjira Juda Isikarioti, ambaye piya kala ni mwanafundzi wa Jesu.

Kumbukumbu 23:21

Ndiphoika naziri mbere za Mwenyezi Mlungu, Mlunguo, usichelewe kuitimiza, mana Mwenyezi Mlungu, Mlunguo, andaidai kpwako nawe undakala na dambi.

Isabu 30:2

Mutu achiika naziri kpwa Mwenyezi Mlungu, ama achiahidi utu kpwa kuapa, ni ahende gosi arigoahidi kulengana na gosi arigogomba.

Mathayo 13:19

Mutu asikirapho neno kuhusu ufalume wa Mlungu na asiuelewe, ni kukala Shetani akedza akahala chira chophandwa mwakpwe moyoni. Hinyu ni mfwano wa mbeyu yogbwa njirani.

Hosea 11:12

Atu a Efuraimu akanizunguluka na handzo, atu a Iziraeli ikanizunguluka na kuchenga, ela Juda ndiye anyendekaye phamwenga na Mlungu. Juda ndiye ambaye achere muaminifu kpwa iye Ariye Mtakatifu.

Misemo 20:25

Ni hatari kuikira Mlungu naziri upesi-upesi, alafu ugaluze nia kuhusu kulavya naziri hiyo.