Mahendo 2:11 - Digo Bible

¹¹ (Ayahudi na atu anjina ambao sio Ayahudi ela ahendainjira dini ya Chiyahudi), piya phana Akirete na Arabu. Naswi hunaasikirani anagomba luga zehu enye, vituko vikulu vya Mlungu ahendavyo!”

Mahendo 2:11 Referans Kwoze

1 Akorintho 12:10

Wanjina nkuhewa chipawa cha kuhenda vilinje, wanjina uwezo wa kutabiri, na wanjina uwezo wa kutafwautisha roho mbali-mbali. Tsona wanjina nkuhewa chipawa cha kugomba na luga njeni, naye wanjina chipawa cha kutafasiri hizo luga.

Kutsama 15:11

Kahi za milungu, ni mlungu yuphi ariye dza uwe, Mwenyezi Mlungu? Utakatifuo tauwezekana, mahendogo ga nguma ganahutishira, mambo makulu uhendago uwe, ganahuangalaza.

Aeburania 2:4

Mlungu piya walavya ushaidi wa wokofu hinyo kpwa kuhenda dalili, maajabu na vilinje, na kulavya vipawa vya Roho Mtakatifu kama arivyomendza.

Tito 1:12

Hata nabii wao mmwenga waamba, “Akirete siku zosi nkugomba handzo, ni dza nyama abaya, avivu amendzao kurya.”

Jeremia 25:24

afalume osi a Warabuni na ajeni osi akalao ko jangbwani;

Zaburi 26:7

kuno naimba wira wa shukurani kpwa sauti na kuambira atu mahendogo ni ga ajabu.

Ayubu 9:10

Iye ahendaye mambo makulu ambago mwanadamu kaweza kugaelewa na ga kuangalaza gasigoolangika.

Tito 1:5

Sababu nriyokurichira Chisuwa cha Kirete kala ni umarigize kazi ambayo kala taidzangbwesira, na utsambule vilongozi a atu a Mlungu chila mudzi kama nrivyokulagizira.

Mahendo 27:12

Kpwa vira bandari iyo kala si nono wakati wa mnyevu, anji akata shauri atu aenderere na charo, na ichiwezekana hufike bandari ya Foinike na hukale hipho wakati wosi wa mnyevu. Bandari hino i Kirete na inalola na mtswerero wa dzuwa.

Mahendo 27:7

Hwasafiri pore-pore siku nyinji na huchifika bandari ya Nido kpwa tabu. Kpwa vira phuto kala richerepiga kula mbere zehu, hwakala tahuweza kpwenderera zaidi. Hipho, hwasafiri na uphande wa mwakani wa chisuwa cha Kirete, phephi na Salimoni.

Jeremia 3:2

Unula usoo ulole mizuka ko myangoni! Kuna phatu ambapho kudzangbwedzinajisi kpwa kuabudu vizuka? Wasagala kanda-kanda za njira kugodzera azembeo dza Mwarabu atangaye-tangaye ko jangbwani. Tsi ukaitiya najisi kpwa umalayao na mahendogo mai.

Isaya 28:29

Higa gosi gala kpwa Mwenyezi Mlungu, Mlungu wa majeshi, ambaye ana ushauri wa ajabu na ikima ya hali ya dzulu.

Isaya 25:1

Ee Mwenyezi Mlungu, uwe u Mlungu wangu. Nindakutogola na kulika dzinaro kpwa kukala ukahenda mambo ga ajabu. Mambo urigogapanga hangu kare ukagatimiza kpwa uaminifu.

Isaya 13:20

Tamundakala tsona na atu, tamundasagalwa chivyazi hadi chivyazi. Takuna Mwarabu ndiyechita hemare wala mrisa ndiyetindizha mifugoye.

Zaburi 136:4

Kpwa iye macheye ambaye nkuhenda maajabu, mana mendzwaye isiyosika inadumu hata kare na kare.

Zaburi 111:4

Akahenda mahendoge ga ajabu gatambukirwe, Mwenyezi Mlungu ana huruma na mbazi.

Zaburi 107:21

Naamshukuru Mwenyezi Mlungu kpwa sababu ya mendzwaye isiyosika, na mahendoge ga ajabu ahenderago anadamu.

Zaburi 107:15

Naamshukuru Mwenyezi Mlungu kpwa sababu ya mendzwaye isiyosika, na mahendoge ga ajabu ahenderago anadamu,

Zaburi 107:8

Naamshukuru Mwenyezi Mlungu kpwa sababu ya mendzwaye isiyosika, na mahendoge ga ajabu ahenderago anadamu.

Zaburi 96:3

Tangazirani mataifa gosi ngumaye, gaambireni makabila gosi kuhusu mahendoge ga ajabu.

Zaburi 89:5

Mlunguni nakutogole maajabugo, ee Mwenyezi Mlungu, uaminifuo nautogolwe kahi za mikutano ya atakatifu.

Zaburi 78:4

Gago tahundafwitsa ana ehu, hundasemurira chivyazi chedzacho mahendo ga nguma ga Mwenyezi Mlungu, na uwezowe na mambo ga ajabu arigohenda.

Zaburi 77:11

Nindatambukira mahendo ga Mwenyezi Mlungu; ee, nindaririkana maajabugo ga hipho kare.

Zaburi 71:17

Ee Mlungu, ukanifundza hangu wanache wangu, na nchere semurira mahendogo ga ajabu.

Zaburi 40:5

Uwe Mwenyezi Mlungu, Mlungu wangu mahendogo ga ajabu ni manji, na mambo uhupangirago tagaolangika! Nchiamba nagatangaza na kugasemurira sindaweza kugamala.

2 Nyakati 26:7

Mlungu wamterya kuashinda Afilisti na Aarabu arioishi Guri-Baali, na piya Ameuni.

2 Nyakati 17:11

Afilisti anjina amrehera Jehoshafati zawadi na feza ya kodi. Aarabu nao piya amrehera maturume elufu sabaa na magana sabaa na ndenje elufu sabaa na magana sabaa.

1 Afalume 10:15

Hino ni kanda na hira kodi iriyoriphiwa ni ahendadzi-bishara na achuuzi na Afalume osi a Warabuni na maliwali a tsi ya Iziraeli.

Agalatia 4:25

Atu a Jerusalemu ya sambi ni atumwa kpwa sababu ya kulunga shariya za Chiyahudi. Aho ni atumwa dza Hagari ambaye anafwananishwa na chilagane chohendwa Mwango Sinai hiko Warabuni.

Agalatia 1:17

Wala siyaphiya Jerusalemu kpwa hara ambao kala ni mitume kare, ela mara mwenga náphiya weru wa Warabuni, chisha badaye ndipho nchiuya Damasikasi.

Isaya 21:13

Ruwiya kuhusu Warabuni. Mwi acharo a kula Dedani, mwimwi msagalao tsaka ra Warabuni.

1 Akorintho 12:28

Kahi ya makundi ga atue, Mlungu watsambula anjina kpwandza akale mitume, phiri manabii, na hahu alimu. Chisha anjina nao achiatsambula ahende vilinje, anjina akale na chipawa cha kuphoza makongo, anjina aterye ayawao, anjina akale vilongozi, na anjina agombe na luga njeni.

Mahendo 2:10

anjina ala Firigia, Pamfilia, Misiri na seemu za Libiya phephi na Kirene. Anjina ni ajeni kula Rumi,

Mahendo 2:12

Atu osi atezeka na achikala na wasiwasi, kuno anauzana, “Mambo gano manage nini?”

Mahendo 27:13

Badaye kpwapiga phuto ra pore-pore kula mwakani, enye achiona ni wakati mzuri wa kuhenda alondavyo. Hipho, achiandza charo na achitsapa na phephi na pwani ya Kirete.