Mahendo 15:26 - Digo Bible

²⁶ ambao adzilavya maisha gao kumuhumikira Bwana wehu Jesu Masihi.

Mahendo 15:26 Referans Kwoze

Mahendo 14:19

Badaye kpwakpwedza Ayahudi kula midzi ya Antiokia na Ikonio achedzatiya ndzili kpwa atu kukala Paulo ni mutu mui, nao achikubali. Achimpiga mawe hata achiona labuda akafwa, alafu achimguruta kondze ya mudzi.

1 Akorintho 15:30

Na sisi, kpwa utu wani hunadzizindza chila wakati?

Mahendo 13:50

Ela Ayahudi atiya fitina kpwa achetu okala na vyeo na anamuogopha Mlungu na alume muhimu a mudzini. Achiafyakatsira amtese Paulo na Barinaba na achiazola auke seemu hiyo.

Aamuli 5:18

Atu a Zabuloni ni atu ariohatarisha maisha gao na chifo. Hata atu a Nafutali azindza maisha gao kpwenye seemu zirizogbwa dzulu za myango.

Arumi 16:4

tsona ahatarisha maisha gao kpwa sababu yangu. Phahi mimi na afuasi osi ambao sio Ayahudi anafwaha kuashukuru sana.