Luka 7:14 - Digo Bible

¹⁴ Warisengerera rira jeneza achiriguta na hara okala anaritsukula achiima. Alafu achiamba, “We mvulana, nakuamba unuka!”

Luka 7:14 Referans Kwoze

Johana 5:25

Nakuambirani kpweli kuredza wakati, na wakati wenye ni uhu, ambapho ariofwa chiroho andasikira sauti ya Mwana wa Mlungu, na hinyo ndiosikira, andaishi.

Johana 11:25

Jesu achiamba, “Mimi ndimi nifufulaye atu na kuapha uzima. Mutu yeyesi ndiyenikuluphira, hata dzagbwe andafwa, andaishi tsona.

1 Afalume 17:21

Chisha Elija wadziambalaza dzulu ya hiye mwana kano tahu na kumvoya kuno anamririra Mwenyezi Mlungu achiamba, “Mwenyezi Mlungu, Mlungu wangu, nakuvoya hiyu mwanache umuuyizire uhaiwe!”

Arumi 4:17

na vivyo vinagbwa sawa na Maandiko gaambago, “Nkakuhenda mkarengbwa wa mataifa manji.” Phahi, mbere za hiye Mlungu ariyemkuluphira, afufulaye atu a kufwa na kuhenda mambo ambago tagako gakakalako, Burahimu ndiye mkare wehu.

Johana 5:21

Viratu Baba afufulavyo atu ariofwa na kuapha uzima, ndivyo nrivyo hata mimi Mwana, nkuapha uzima atu nrioatsambula.

Isaya 26:19

Atu ariofwa andafufuka tsona. Lamukani muimbe na raha mwimwi mkalao vumbini dza manena gahendavyo tsi kavu ikamera nyasi, ndivyo Mwenyezi Mlungu ndivyofufula atu ariofwa.

Zaburi 33:9

Ariphogomba dunia yaumbwa aripholavya amuri chila chitu chichitsembuka.

Ayubu 14:14

Dze, mutu achifwa anaweza kuuya moyo tsona? Mutu mimi ningegodzera, siku zosi za utumishi wangu, hata wakati wangu wa kuvugulwa ukafika.

Ayubu 14:12

Ndivyo mwanadamu, afwapho kauya tsona, hata mlunguni ndiphosira, mwanadamu kandalamuka au kulamuswa kula mwakpwe usingizini.

Aefeso 5:12

Kpwa kpweli ni waibu hata kugomba kuhusu mambo gahendwago chisiri ni atu asiomuogopha Mlungu.

1 Afalume 17:22

Mwenyezi Mlungu wasikira voyo ra Elija, mwana wauyiza roho achikala mzima.

Mariko 5:41

Jesu achimgbwira mkpwono achigomba chikpwao achiamba, “Talitha koum.” Manage ni, “Msichana, nakuamba lamuka.”

Luka 7:13

Jesu ariphomuona yuya nine wa mufwa, wamuonera mbazi, na achimuamba, “Usirire mayo.”

Luka 7:15

Yuya mufwa wangʼoka achisagala na achiandza kubisha. Chisha Jesu achimlavya kpwa nine.

Luka 7:17

Habari hizo zaenea tsi ndzima ya Judea na seemu zosi za jirani.