Luka 6:30 - Digo Bible

³⁰ Akuvoyaye chitu muphe, na ndiyekufuta chitucho mrichire wala usimuise.

Luka 6:30 Referans Kwoze

2 Akorintho 8:9

Mana mnamanya mbazi za Bwana wehu Jesu Masihi. Hata dzagbwe kala ni tajiri, ela waricha utajiri wosi na achikala mchiya kpwa ajili yenu, ili kpwa kutsapira uchiyawe, mwimwi mphahe kukala matajiri.

Mahendo 20:35

Chila nrirohenda, nákuonyesani mfwano kala, ni lazima huterye agayi kpwa kuhenda kazi kpwa chadi. Na ni hutambukire maneno ga Bwana Jesu phoamba, ‘Alavyaye nkujaliwa zaidi kuriko aphokeraye.’ ”

Mathayo 6:12

Na huswamehe makosa gehu, dza viratu hunavyoswamehe ahukoserao.

Luka 18:22

Jesu ariphosikira hivyo, wamuamba, “Bado kuna chitu chimwenga ambacho unatakiwa uchihende. Kaguze malizo zosi na pesaze ukaaphe achiya, nawe undakala na akiba hiko mlunguni. Chisha ndzo unilunge.”

Misemo 21:26

Mutsi wosi analonda aphahe iye, ela enye haki nkulavya bila kuzuwiya.

Zaburi 41:1

Baha mutu amanyiriraye mchiya, mana Mwenyezi Mlungu andamuokola wakati wa tabu.

Misemo 19:17

Mutu amteryaye mchiya anamuaphasa Mwenyezi Mlungu, naye Mwenyezi Mlungu andamripha kpwa achirorihenda.

Luka 12:33

Guzani mali zenu na zo pesa muaphe achiya. Namwi kpwa kuhenda vivyo, mundakala munadziikira akiba ko mlunguni, ambako taisira. Mana kuko, muivi kaweza kuisengerera, na adudu taaweza kubananga vitu.

Luka 11:41

Ela phahi, lavyani zaka vyo murivyo navyo mo vikombeni muaphe agayi, alafu tamundakala na chochosi chiricho najisi.

Luka 6:38

Apheni ayawenu, naye Mlungu andakuphani. Mundahewa tele ya kusindirirwa na kusukpwa-sukpwa hata kufwasa. Mana chipimo mpimiracho ayawenu, ndicho ndichopimirwa mwimwi.”

Mathayo 18:35

Chimarigizo Jesu waamba, “Naye Baba ariye mlunguni andakuhenderani vivyo chila mmwenga ambaye kandamswamehe mfuasi myawe moyo kutsuka.”

Muhubiri 8:16

Chila mara nriphodzilavya kuendza ikima na kuona gahendekago phapha duniani, náona kukala mutu anaweza kukosa usingizi usiku na mutsi.

Misemo 22:9

Mutu wa mbazi andabarikiwa, mana anaganyira achiya chakuryache.

Zaburi 112:9

Anaganya vituvye moyo kutsuka kuganyira achiya, hakiye inadumu hata kare na kare, andakala na nguvu nyinji na ishima.

Aefeso 4:28

Muivi naariche kuiya, na badalaye ahende kazi ya sawa, ili aphahe chitu cha kuganya na ayae ambao taana.

Muhubiri 11:2

Ganyira mali uriyo nayo atu sabaa au hata anane, mana kumanya tsi indaphahwa ni shaka rani.

Mathayo 5:39

Ela mino nakuambirani, mutu achikuhendera uyi usidziriphize. Mutu achikupiga ndzeya hino, mgaluzire yanjina nayo apige.

Luka 6:29

Mutu achikupiga ndzeya hino, mgaluzire yanjina nayo apige. Mutu achikufuta kandzuyo, mrichire na shatiro piya.

Luka 6:31

Viratu ambavyo mnalonda atu akuhendereni, mwi namwi ahendereni dza vivyo.