Luka 6:25 - Digo Bible

²⁵ Shaka rani hiro mwi mmvunao sambi, mana badaye mundahirika! Shaka rani hiro mwi mtsekao sambi, mana badaye mundarira!

Luka 6:25 Referans Kwoze

Isaya 65:13

Kpwa hivyo Mwenyezi Mlungu anaamba hivi, “Lola, atumishi angu aniabuduo na kuniogopha andarya, ela mwimwi mundakala na ndzala. Atumishi angu andanwa, ela mwimwi mundasala na chiru. Atumishi angu andahererwa ela mwimwi mundagbwizwa waibu.

Jakobo 4:9

Sononekani, mjute na mrire. Galuzani chitseko chenu chikale chiriro na raha yenu ikale majuto.

Misemo 14:13

Chitseko chinaweza kufwitsa sonono, ela chitseko chinaphosira, sonono inauya.

Maono 3:17

Munaamba ati mu matajiri na muna chila chitu, hata tamuna mutsowacho! Kumbavi tammanya rorosi, muna mashaka ndulu ndzima! Tamdzimanya kala munafwaha kuonerwa mbazi kpwa vira mu achiya, mu vipofu, tsona mu vitsaha.

1 Athesalonike 5:3

Atu achikala anaamba, “Chila chitu chi sawa na salama,” hipho ndipho ndiphogbwererwa ni mashaka. Nago gandahendeka gafula dza viratu mayo akalavyo na utsungu ichikala mwana a phephi na kuvyalwa. Kpwa hivyo taindawezekana mutu kuchimbira mashaka higa.

Aefeso 5:4

Tsona msigombe maneno ga waibu, ga chipuzi wala msihende machani mai-mai sigofwaha. Ela mshukuruni Mlungu wakati wosi.

Luka 13:28

Ndipho mundarira na kusaga meno mana mundaona akare ehu Burahimu, Isaka na Jakobo na manabii osi a kahi za nyo ufalume wa Mlungu, ela mwi enye mukatsuphiwa kondze.

Luka 12:20

Ela Mlungu achimuamba, ‘U mpumbavu uwe! Rero usiku undafwa. Sambi, vyo vitu vyodziikira akiba, vindakala vya ani?’ ”

Luka 8:53

Atu amtseka, mana kala anamanya yuya mwanache akafwa.

Nahumu 1:10

Dza miya ichiyolingana-lingana na mibuwa mifu, mwimwi alevi mundaochwa.

Amosi 8:10

Nindagaluza sikukuu zenu zikale siku za chiriro, na mawira genu gosi gakale ga chiriro. Nindakuhendani mvwale nguwo za magunia, na chila chitswa chinyolwe chiphala. Siku iyo ndaihenda ikale ya chiriro dza cha mutu achiyefwererwa ni mwanawe wa macheye, na mwishirowe, indakala dza siku ya utsungu.”

Isaya 28:7

Alavyadzi-sadaka na manabii anadedeleka, na kuzuwa-zuwa kpwa sababu ya uchi. Anazuwa-zuwa kpwa sababu ya uchi, anadedeleka wakati wa kuona ruwiya, na anadzikpwala wakati wa kuhenda uamuli.

Isaya 9:20

dza nyama a tsakani avamiavyo na kurya chila ariye phephi hata napho ni mdugu, ela bado taatosheka.

Isaya 8:21

andadengereka tsi yosi na tabu na ndzala, ndiphokala anahirika andatsukirwa hadi amlani mfalume wao na milungu yao. Chisha andaendza msada kula mlunguni,

Muhubiri 7:6

Mana kpwakpwa za azuzu ni dza miya idodorekayo mohoni na tayiivwisa chitu.

Muhubiri 7:3

Baha sonono kuriko chitseko, mana sonono nkumuhenda mutu akale na ikima.

Muhubiri 2:2

Nchimanya kukala chitseko na kudziburudisha tavifwaha chitu.

Misemo 30:9

Sedze nikashiba nkakutsamalala, Nkaamba, “Kpwani Mwenyezi Mlungu ni ani?” Wala nisikale mchiya nikaiya, chihivyo nkarikosera ishima dzina ra Mwenyezi Mlungu, Mlungu wangu.

Zaburi 49:19

Achifwa andadziunga na akaree ambako taandaona mwanga tsona.

1 Samueli 2:5

Hinyo ariokala na shibe, ndipho anadzikodisha ili aphahe chakurya. Na hinyo ariokala na ndzala ndipho anaphaha raha. Ee! Hiye mchetu tasa akavyala ana sabaa, Na hiye ariyekala na ana anji akakotseka.

Luka 6:24

Ela shaka rani hiro mwi matajiri, mana mundakala mwarya raha yenu kare.

Luka 6:26

Shaka rani hiro atu achikutogolani, mana piya akare aho atogola manabii a handzo.”