Luka 18:1 - Digo Bible

¹ Alafu Jesu waatsuphira anafundzie ndarira kuafundza kala ni lazima atu avoye Mlungu chila wakati na asikate tamaa.

Luka 18:1 Referans Kwoze

Akolosai 4:2

Endererani kuvoya Mlungu chila mara, na muchikala munavoya kalani na chituwo, na mumshukuru Mlungu sana.

Arumi 12:12

Hererwani mana kuluphiro renu ri kpwa Mlungu. Mchiphaha mashaka vumirirani, wala msiremwe kuvoya Mlungu.

1 Athesalonike 5:17

na muenderere kuvoya,

Afilipi 4:6

Msihende wasiwasi kuhusu chochosi. Ela maitaji genu gosi mumvoye Mlungu, na mumshukuru kpwa chila chitu.

Aefeso 6:18

Voyani kpwa kulongozwa ni Roho Mtakatifu wakati wosi. Mvoyeni Mlungu akuteryeni na mambo gosi. Chisha kalani matso na muenderere kuavoyera atu a Mlungu.

Jeremia 29:12

Ndipho mundaniiha na kunivoya nami ndakusikirani.

Luka 21:36

Kpwa hivyo Kalani matso wakati wosi, na mvoye ili mphahe nguvu za kugatsupira mambo gago ndigohendeka, tsona muweze kuima mbere za ye Mutu Yela Mlunguni.”

Agalatia 6:9

Phahi, nahusiremweni kuhenda manono, mana husiphokata tamaa, hundavuna manono wakatiwe uchifika.

Zaburi 86:3

Nionera mbazi, ee Mwenyezi Mlungu, mana ninakuririra dii yosi.

Zaburi 102:17

Andajibu mavoyo ga achiya wala kandarema mavoyo gao.

2 Akorintho 4:1

Phahi tahukata tamaa kpwa sababu Mlungu wahupha kazi hino kpwa mbazize.

Akolosai 4:12

Piya mkaphozwa ni Epafara, mutu wa ko kpwenu, ambaye anamuhumikira Jesu Muokoli. Chila wakati anakuvoyerani sana, mzidi kumkuluphira Mlungu na mkale na uhakika wa gosi ambago anamendza.

Jona 2:7

Niriphokala nakata roho, nátambukira Mwenyezi Mlungu, na mavoyo gangu gachikufikira kpwenye nyumbayo takatifu ya kuvoya Mlungu.

Zaburi 65:2

Uwe usikiraye mavoyo! Anadamu osi andakpwedza kpwako kpwa sababu ya dambi.

Zaburi 27:13

Naamini kukala nindaona unono wa Mwenyezi Mlungu kahi za tsi ya atu ario moyo.

Isaya 40:31

Ela osi amukuluphirao Mwenyezi Mlungu andatiywa nguvu nyiphya, nao andauruka dzulu sana dza kozi, andazola wala taandaremwa, andanyendeka wala taandafwa purungire.”

Isaya 62:7

Musimuriche Mwenyezi Mlungu aoye hadi aihende imara Jerusalemu, na itogolwe kosi duniani.

1 Samueli 1:12

Hana ariphokala anaenderera kuvoya mbere za Mwenyezi Mlungu, Eli kala anamlola nyo mromowe.

Luka 11:10

Mana chila avoyaye nkuhewa, aendzaye nkuphaha, na apigaye hodi nkuvugurirwa.