Luka 16:3 - Digo Bible

³ “Yuya muandishi achidziuza, ‘Nihendedze mino? Tajiri wangu analonda kunifuta kazi. Nami siweza kurima, na kuvoya-voya naona haya!

Luka 16:3 Referans Kwoze

2 Athesalonike 3:11

Sababu ya kuamba hivyo, hwasikira kukala ayawenu anjina ni avivu. Taana rorosi ahendaro isiphokala kuinjirira mambo ga atu.

Mahendo 3:2

Mutu mmwenga chiswere hangu kuvyalwakpwe kala anatsukulwa kurehwa ryango ra Nyumba ya Kuvoya Mlungu riihwaro Ryango Nono. Kala nkurehwa chila siku kpwedzavoya-voya atu ainjirao himo.

Johana 9:8

Majiranige na atu anjina ariomuona wakati kala ni mutu wa kuvoya-voya auzana, “Yuno siye yuya mutu ambaye kala achisagala akavoya-voya?”

Luka 18:4

Kpwa muda mure hiye muamuli warema. Ela badaye waamba, ‘Hata dzagbwe simuogopha Mlungu wala sijali mutu,

Luka 16:22

“Lazaro sikuze za kufwa ziriphofika, wafwa. Malaika achimuhala achendamuika phamwenga na Burahimu hiko mlunguni. Yuya tajiri naye, sikuze phofika, piya naye wafwa, achizikpwa.

Luka 16:20

Na phakpwe ryangoni kala phachilazwa mgbwayi mmwenga yeihwa Lazaro kpwedzavoya. Mutu hiye kala nkuhenda ndzala hata akaaza kurya pukupuku za chakurya cha yuya tajiri. Tsona kala ana vironda mwiri mzima, na madiya kala nkpwedzamlamba-lamba vira virondavye.

Luka 12:17

Yuya tajiri waaza rohoni, ‘Nihendedze mino? Mana sina phatu pha kuika mavuno gangu.

Mariko 10:46

Jesu na anafundzie atsupira mudzi wa Jeriko. Ariphokala anauka mudzi hinyo phamwenga na kundi kulu ra atu, chipofu, yeihwa Batimayo (manage ni mwana wa Timayo), kala asegere kanda-kanda ya barabara anavoya-voya.

Hosea 9:5

Mundahendadze siku ya sikukuu zirizopangbwa? Mundahendadze yo siku ya sikukuu iriyopangbwa ni Mwenyezi Mlungu?

Jeremia 5:31

manabii anatabiri handzo, na alavyadzi-sadaka analongoza kpwa mamlaka gao enye. Na atu angu anamendza ikale vivyo, ela mundahendadze siku ya mwisho ichifika?

Isaya 10:3

Siku iredza ambayo Mlungu andakutiya adabu kali, anajeshi kula tsi za kure andakpwedza akuvamie. Taphandakala na yeyesi wa kukuterya ndipholonda kuchimbira kutiywa adabu, wala taphandakala na phatu pha kufwitsa maliyo.

Misemo 29:21

Mutu atendekezaye mtumwawe hangu ni mwanache, mwishowe mtumwa hiye aredza asababishe sonono.

Misemo 20:4

Mvivu karima minga ya kurima naye minga ya kuvuna andaaza aphahe mavuno ela kandaphaha chitu.

Misemo 19:15

Uvivu nkureha usingizi wa fungo, na mutu asiyelonda kuhenda kazi andagaya na ndzala.

Misemo 18:9

Mutu mvivu wa kazi ni sawa na mutu mʼbanandzi.

Misemo 15:19

Njira ya mutu mvivu yamera miya, ela njira ya mwenye haki ikaera dza njira kulu.

Misemo 13:4

Atu avivu nkutamani na kaphaha chitu, ela gaazwago ni atu a chadi nkutimizwa.

Esta 6:6

Hamani ariphoinjira mfalume achimuamba, “Ni dzambo rani riwezaro kuhenderwa mutu ambaye mfalume analonda kumtuza?” Hipho Hamani achigomba chimoyo-moyo achiamba, “Ni ani ambaye mfalume analonda kumtuza isiphokala mimi?”

Mahendo 9:6

Sambi unuka na uinjire nyo mudzi, nawe kuko undaambirwa ra kuhenda.”

Mathayo 20:8

“Dziloni, yuya mchina-munda wa mizabibu wamuiha mwiiki wa pesa na achimuamba, ‘Iha vibaruwa osi uariphe haki yao, kuandzira hara a mwisho na umarigize na hara a mwandzo.’

Luka 16:2

Phahi, hiye tajiri wamuiha muandishiwe achimuuza, ‘Ni maneno gani gano nisikirago? Nalonda ulavye isabu kamili ya mali na fwaida, mana kuweza kpwenderera kukala muandishi wangu.’

Luka 16:4

Sambi, namanya ndivyohenda ili siku nchifutwa kazi, atu anikaribishe kpwao madzumbani.’