Kutsama 5:21 - Digo Bible

²¹ Aambira Musa na Aruni, “Mwenyezi Mlungu naalole neno hiri. Naakuamuleni kpwa kuhuhenda swiswi huzirwe ni Farao na atumishie. Maneno genu ndigo goahenda aphahe chisa cha kuhuolagira.”

Kutsama 5:21 Referans Kwoze

Mwandzo 34:30

Halafu Jakobo waambira Simioni na Lawi, “Mkanibwagira likuni ra adudu; sambi Akanani na Aperizi, ambao ni enyezi a tsi hino, andanizira. Swiswi hu achache tu, ichikala andagbwirana edze ahupige, phahi, andahuangamiza hosi.”

1 Nyakati 19:6

Phahi Aamoni ariphodziona akamtsukiza Daudi, Hanuni na mbari ya Aamoni ahuma kilo elufu mirongo mihahu na ne za feza kpwendakodisha magari ga kuvwehwa ni farasi na atu a kugaphirika kula Mesopotamia, Aramu-Maaka na kula Zoba.

2 Samueli 10:6

Aamoni ariphoona kukala akamtsukiza Daudi, akpwendakodisha anajeshi a Aramu elufu mirongo miiri kula Bethi-Rehobu, a kunyendeka na magulu na Aaramu kula Soba, mfalume wa Maaka achilavya anajeshie elufu mwenga, na anajeshi elufu kumi na mbiri kula Tobu.

1 Samueli 27:12

Hivyo Akishi wamuamini sana Daudi hadi achiamba mwakpwe moyoni, “Wazirwa tsetsetse ni hinyo atue Aiziraeli, phahi andakala mtumishi wangu siku zosi.”

1 Samueli 13:4

Aiziraeli osi achisikira habari ya kukala Sauli akaturya iyo ngome ya Afilisti na kukala Aiziraeli akaatsukiza Afilisti. Phahi hinyo atu achikusanyika phamwenga kuungana na Sauli hiko Giligali.

Kutsama 6:9

Musa wakpwendaambira Aiziraeli gara goambirwa ni Mlungu. Ela taayaphundza, kpwa sababu kala akavundzika mioyo kpwa kuhendeswa kazi ngumu.

Mwandzo 16:5

Halafu Sarai achimuamba Buramu, “Gaga mai nihenderwago gasababishwa ni uwe. Nakupha muhendi kazi wangu, ela kpwa kukala anamanya wagbwira mimba vivi ananibera. Mwenyezi Mlungu andalamula kahi ya uwe na mimi!”

Joeli 2:20

Jeshi ra kula uphande wa vurini ndariusa rikale kure namwi na kurizola hadi jangbwani, tsi isiyomera chitu. Vikosi vya mbere vya ro jeshi ndaviinjiza bahari ya uphande wa mlairo wa dzuwa na hivyo vya nyuma ndaviinjiza bahari ya uphande wa mtswerero wa dzuwa. Nao andafwa kuko na kungu ya kuola kpwao mundaisikira. Mwenyezi Mlungu anahenda mambo makulu.

Muhubiri 10:1

Dza maindzi ga kufwa gavundisavyo mafuha ga kunukato uzuzu mchache nkuangamiza ikima na ishima.

Kutsama 14:11

Aiziraeli amuamba Musa, “Kpwadze wahutuluza kula Misiri? Kpwani takuna mbira ko Misiri? Kpwadze waureha hiku jangbwani ili hufwe?

Kutsama 4:31

Atumia osi akuluphira, nao ariphosikira kala Mwenyezi Mlungu waona kugaya kpwa atu a Iziraeli na achisononeka, azamisa vitswa vyao na achimuabudu Mlungu.

Mwandzo 31:53

Mlungu wa Burahimu, Nahori na ise yao naahuamule.” Ndipho Jakobo achiapa kpwa dzina ra Mlungu yeabudiwa ni ise Isaka,

Kutsama 5:20

Ariphouka phara pha Farao, akuta Musa na Aruni anaagodza.

Kutsama 15:24

Aiziraeli amnungʼunikira Musa na achimuuza, “Vino hundanwani?”

Kutsama 16:2

Hiko jangbwani Aiziraeli osi amnungʼunikira Musa na Aruni

Isabu 14:3

Kpwa utu wani Mwenyezi Mlungu anaureha kahi ya tsi ihi huolagbwe kpwa upanga? Achetu ehu na ana ehu andahalwa mateka. Si baha huuye Misiri?”

Isabu 14:22

taphandakala hata mutu mmwenga ariyeona utukufu wangu na vilinje nirivyovihenda ko Misiri na ko weruni chisha akazidi kunijeza kano hizi kumi bila ya kunisikira,

Isaya 30:6

Higa ni maneno kuhusu nyama a tsakani ario tsi ya kugbwa, mwakani mwa Juda: Ahumwa enu nkutsupira tsi ya tabu na ziki tsi ambayo nkutuluka simba achetu na simba alume, mabafwe na nyoka siru za kuuruka. Nkutsukula mali zao dzulu ya punda na ngamia akaziphirika kpwa atu asioweza kuterya,