Kutsama 39:43 - Digo Bible

⁴³ Phahi Musa ariphoilola iyo kazi achiona kukala hinyo atu akaihenda sawa-sawa, dza viratu vira Mwenyezi Mlungu arivyomlagiza. Kpwa hivyo achiabariki.

Kutsama 39:43 Referans Kwoze

2 Nyakati 30:27

Ndipho alavyadzi-sadaka na Alawi achiima na achiavoyera atu baraka. Naye Mwenyezi Mlungu achisikira kula makaloge hiko mlunguni na achikubali mavoyo gao.

1 Afalume 8:14

Phahi ye mfalume waagalukira nyo Aiziraeli osi arikokala aimire achiabariki,

2 Samueli 6:18

Na ariphomala kulavya sadaka za kuochwa na sadaka za amani waabariki atu kpwa dzina ra Mwenyezi Mlungu, Mlungu wa majeshi.

Zaburi 104:31

Utukufu wa Mwenyezi Mlungu naudumu ta kare na kare; Mwenyezi Mlungu naahamirwe ni kazize.

2 Nyakati 6:3

Phahi ye mfalume waagalukira nyo Aiziraeli osi arikokala aimire achiabariki.

Joshuwa 22:6

Phahi Joshuwa waabariki, achiambira auye kpwao mahemani, nao achiuya.

Mwandzo 14:19

na achimjaliya Buramu achiamba, “Buramu naajaliwe ni Mlungu, Ariye Dzulu Kuriko Vyosi, Muumba wa dzulu mlunguni na dunia.

Mwandzo 1:31

Mlungu achilola vitu vyosi vyokala akaviumba achiona ni vinono sana. Kuchikala dziloni na kuchikala ligundzu siku ya sita.

Zaburi 19:11

Mtumishio nkuonywa na gago na achigagbwira anaphaha tuzo kulu.

Nehemia 11:2

Nao atu achiabariki atu osi ariokubali kpwendasagala Jerusalemu.

1 Nyakati 16:2

Naye Daudi ariphomala kulavya sadaka za kuochwa na sadaka za amani, waabariki atu kpwa dzina ra Mwenyezi Mlungu,

Kutsama 40:25

Naye mbere za Mwenyezi Mlungu, achiika taa dza Mwenyezi Mlungu arivyomlagiza Musa.

Kutsama 39:42

Kpwa hivyo hinyo Aiziraeli achikala akamala kutengeza chila chitu arichokala Mwenyezi Mlungu akamlagiza Musa achihende.

Kutsama 40:1

Mwenyezi Mlungu wamuamba Musa,

Jeremia 13:5

Phahi naphiya nchendaufwitsa kanda-kanda ya muho Yufurati dza Mwenyezi Mlungu arivyokala akalagiza.

Kutsama 7:6

Musa na Aruni ahenda vyo arivyolagizwa ni Mwenyezi Mlungu.

Kutsama 12:28

Phahi, Aiziraeli ahenda dza Mwenyezi Mlungu arivyolagiza Musa na Aruni.

Kutsama 25:9

Hema hiro ridzenge na uritiye miyo kulengana na mfwano ndiokuonyesa.”

Alawi 16:34

Hiri ni lagizo ra kare na kare; upatanisho wa kuusa dambi za atu a Iziraeli ni uhendwe mara mwenga chila mwaka.” Naye achihenda gosi dza Mwenyezi Mlungu arivyomlagiza Musa.

Joshuwa 22:7

Nusu ya mbari ya Manase, Musa kala akaapha seemu ya Bashani ela nusu hira yanjina ya mbari iyo, Joshuwa waapha tsi iriyo mtswerero wa dzuwa wa muho Joridani phamwenga na ndugu zao. Joshuwa ariphoambira auye kaya, waabariki,

1 Afalume 6:38

Na kahi ya mwezi wa Buli, yani, mwezi wa nane, mwaka wa kumi na mwenga wa utawala wa Selemani, nyumba iyo yakamilika kudzengbwa. Kazi yakala ikakamilika dza irivyopangbwa, nayo yahala muda wa miaka sabaa.

1 Afalume 8:55

Waima, achiabariki Aiziraeli osi ariokala akakusanyika hipho, kpwa raka ra dzulu achiamba,