Kutsama 32:17 - Digo Bible

¹⁷ Joshuwa ariphosikira hoyo ra hara atu anapiga kululu, wamuamba Musa, “Kuna hoyo ra viha hiko kambini.”

Kutsama 32:17 Referans Kwoze

Kutsama 24:13

Phahi Musa na Joshuwa msaidiziwe auka, na Musa achikpwera mwango wa Mlungu.

Kutsama 17:9

Musa achimuamba Joshuwa, “Tsambula alume kahi-kahi yehu akapigane viha na Aamaleki. Nami muhondo nindaima dzulu ya chirere cha mwango, kuno nkagbwira hira ndata ya kuhendera vilinje vya Mlungu mwangu mkpwononi.”

Amosi 2:2

Kpwa hivyo, tsi ya Moabu ndaitiya moho, nao undaocha ngome za Keriothi. Na Amoabu andafwa kahi za kululu za viha, chiriro, na kululu za gunda.

Amosi 1:14

Kpwa hivyo, ukuta wa Raba nindautiya moho, nao undaocha ngomeze, na siku iyo kundakala na kululu za viha, navyo viha vindavuma dza phuto.

Jeremia 51:14

Mwenyezi Mlungu, Mlungu wa majeshi akaapa kpwa dzinare: Nindareha atu anji akuvamie dza ndzije uwe Babeli. Nao andapiga njerejere za ushindi dzuluyo.

Zaburi 47:1

Pigani makofi mwimwi mosi! Muimbireni Mlungu mawira ga kumtogola kpwa sauti ya dzulu.

Ayubu 39:25

Gunda ripigbwapho, iye nkurira, Nkunusa kungu ya viha kula kure, nkusikira msindo wa akulu a jeshi na kululu za viha.

1 Samueli 17:52

Ndipho atu a Iziraeli na Juda aunuka, achipiga zumo ra viha na achiazoresa hinyo Afilisti hadi mudzi wa Gathi na maryango ga mudzi wa Ekironi. Njira ya Shaaraimu yagota miri ya Afilisti hadi Gathi na Ekironi.

1 Samueli 17:20

Daudi wauka ligundzu chiti, nago mangʼondzi warigarichira mrisa wanjina. Achihala hicho chakurya na achiuka, kama Jese arivyomuhuma. Wafika phenye kambi wakati hiro jeshi kala rinatuluka kpwendadzipanga kuno anapiga zumo ra viha.

Aamuli 15:14

Samsoni ariphofika mudzi wa Lehi, Afilisti akpwedzakutana naye kuno anapiga zumo ra ushindi kpwa kumuona Samsoni. Ela roho wa Mwenyezi Mlungu wamwedzera Samsoni kpwa nguvu, nayo mikowa ariyokala akafungirwa ichidoka dza katani ichiyotiywa moho, nayo ichigbwa photsi.

Joshuwa 6:20

Kpwa hivyo alavyadzi-sadaka apiga gara magunda. Mara tu atu ariphosikira sauti ya magunda, achikota kululu nao ukuta wa mudzi uchigbwa. Atu ainjira hura mudzi kula phara atu ariphokala akaelekeza, achiuteka nyo mudzi.

Joshuwa 6:16

Iriphofika kano ya sabaa, alavyadzi-sadaka ariphopiga magunda gao, Joshuwa waambira Aiziraeli, “Kotani kululu, mana Mwenyezi Mlungu akakuphani huno mudzi

Joshuwa 6:10

Ela Joshuwa walagiza hara atu, “Mwimwi msikote kululu wala sauti yenu kusikirwa, wala msigombe neno rorosi hadi siku ambayo ndakuambirani mkote kululu; hipho ndipho mundapiga kululu.”

Joshuwa 6:5

Wakati anapiga magunda gao ga pembe za turume na Aiziraeli achisikira iyo sauti, osi naakote kululu nao ukuta wa hinyo mudzi wa Jeriko undagbwa. Hipho atu andavamia hinyo mudzi, chila mmwenga ainjire na pho aimirepho.”

Kutsama 32:18

Musa wajibu achiamba, “Sisikira hoyo ra ushindi ama kushindwa. Ela nasikira dza hoyo ra kusherekeya.”

Kutsama 32:6

Phahi siku ya phiriye ligundzu Aiziraeli arauka chiti na achilavya sadaka za kuochwa na sadaka za amani. Halafu achirya na achinwa, chisha achiunuka achivwina.

Kutsama 32:16

Mlungu mwenye kala akaihenda na achiiandika kpwa kutsonga shariyaze.

1 Nyakati 7:27

na Elishama achivyala Nuni, na Nuni achivyala Joshuwa.